Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

προσήκομεν

: ἐνταῦθ’ ἐλπίδος προσοικειούμεθα καὶ ἐγγὺς ἐλπίδος ἐσμέν. C. περισσὴ ἡ πρός. Gr. προσερχόμεθα, ἐγγὺς ἐσμέν. Gu. περισσὴ ἡ πρός, ἀντὶ τοῦ ἥκομεν, ἤλθομεν. Fl. 6. 9. 17. 56. 59. προσοικειούμεθα, ὡς τάχα πείσομεν αὐτούς. Fl. 10.

694.

σμικροῖσι — πόνοισι

: σμικρᾷ δυνάμει ὤφειλεν εἰπεῖν· ὁ δὲ λέγει σμικροῖς πόνοις, τὴν ἐνέργειαν τιθεὶς ἀντὶ τῆς δυνάμεως. Gr. I.

σμικροῖσι μὲν γὰρ τὰ μεγάλα

: τῇ δι’ ὀλίγων μάχῃ τοὺς πολλοὺς νικῆσαι ἀδύνατον, ὅθεν εἰς πόλεμον μὲν αὐτοῖς παραιτητέον ἐλθεῖν· εἰ δὲ λόγοις ὑπελθεῖν δεῖ καὶ γοητεύσασθαι αὐτοὺς σοφίᾳ λόγων, ἐνταῦθα δυνησόμεθα. ἀνόητον δὲ καὶ ἀμαθὲς καὶ τὸ μόνον προσδοκῆσαι τοὺς ὀλίγους τῶν πολλῶν περιγενέσθαι. A. B. C. M.I.