Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

688.

ἥκω γὰρ ἀνδρῶν συμμάχων

: οὐκ ἐπαγόμενος συμμάχους, ἀλλ’ ἔρημος τῆς παρὰ τούτων δυνάμεως ὢν, ὡς τῶν συμμάχων αὐτοῦ κατὰ τὴν πλάνην ἀπολομένων, πλὴν ὀλίγων. B.M.I. ἢ οὕτως· ἦλθον ἔρημος συμμάχων, καὶ προσέτι πλάνην ὑπέστην πολλήν. A. B.I. τὸ δὲ ἑξῆς, ἥκω γὰρ ἔχων τὸ δόρυ συμμάχων ἐστερημένον καὶ προσταλαιπωρήσας τῇ πλάνῃ. A. B. C.I. τὸ δὲ ἐνταῦθ’ ἐλπίδος προσήκομεν ἀντὶ τοῦ προσοικειούμεθα καὶ ἐγγύς ἐσμεν ἐλπίδος. σκόπει οὖν πῶς οὔτε διὰ κολακείας πεῖσαι ὑπέσχετο, ἀλλὰ καὶ τοῦτο ἐν ἀμφιβολίᾳ ἀφῆκεν. B. I. τὸ σμικρᾷ σὺν ἀλκῇ ἢ πρὸς τὸ ἥκω συνάπτεται τῇ ἐννοίᾳ, ἢ πρὸς τὸ ἀλώμενος. Cant. Gu.

ἀλκῇ

: βοηθείᾳ. Gr.

λελειμμένων

: τῶν ὑπολελειμμένων. Gr. ἐναπολειφθέντων. Gu.