Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

328.

οἵων, ὦ τάλας, ὀρεχθείς

: ἐπιθυμήσας· ἐκτείνεται γὰρ τὴν διάνοιαν ὁ ἐπιθυμῶν πρὸς τὸ ποθούμενον. τοῦτο κατ’ ἰδίαν ἀναπεφώνηκεν· ἢ τὸ φεῦ συντέτακται, ἵν’ ᾖ, φεῦ, ἰὼ Ζεῦ, οἵων μόχθων ὁ τάλας ὀρεχθεὶς ἔρρεις. M. ὡς πρὸς αὐτὸν ἀπέτεινε τὸν λόγον· οἵων πραγμάτων σὺ ὁ τάλας ἐπιθυμήσας (λέγει δὲ τοῦ φόνου τοῦ κατὰ τῆς μητρὸς) οἴχῃ καὶ διέφθαρσαι, ἀπὸ τοῦ τρίποδος δεξάμενος τὴν μαντείαν, ἣν ὁ Φοῖβος ἔλακεν. B.M.I.

οἵων

: δι’ οἵων, κακῶν δηλονότι, ἔρρεις ἑαυτὸν κτεῖναι, φθείρεις ἑαυτὸν. Fl. 21.

ὀρεχθείς

: ἀγαπήσας. Fl. 33.