Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

θέσφατα

: κελεύσματα· καὶ γὰρ ἄνωθεν εἶπεν, ὅταν ἀπῄτει τὴν Ἠλέκτραν τὰ τόξα, ὡς Ἀπόλλων αὐτῷ ἐπέταξε μάχεσθαι Ἐριννύσι τοῖς τόξοις. I.

277.

ἔα

: ἐκπληκτικὸν ἢ θαυμαστικὸν ἐπίρρημα τὸ ἔα. A.C.M.

ἔα, τί χρῆμ’ ἀλύω

: διὰ ποίαν αἰτίαν ἀδημονῶ; B. M. τί τὸ πρᾶγμα καὶ τίς ἡ νόσος αὕτη καθ’ ἣν ἀδημονῶ καὶ ἠπόρημαι; παρὰ τὴν ἄλην· ἡ δ’ ἀλύουσ’ ἀπεβήσετο. A. B.C. M.I. ἐπὶ ἐκπλήξεως τὸ ἔα. διὰ τί χρῆμα ἐν ἀμηχανίᾳ εἰμὶ, πνεῦμα ἀναπέμπων ἐκ τῶν πνευμόνων; τὸ ἀλύειν δὲ ποτὲ μὲν οἱ ποιηταὶ ἀντὶ τοῦ δάκνεσθαι καὶ ἀπορεῖσθαι λαμβάνουσιν, ὡς ἐνταῦθα, καὶ παρὰ τῷ ποιητῇ ἡ δ’ ἀλύουσ’ ἀπεβήσετο, ποτὲ δὲ ἀντὶ τοῦ γαυριᾶν καὶ χαίρειν, ὡς τὸ ἢ ἀλύεις, ὅτι Ἶρον ἐνίκησας τὸν ἀλήτην. I.

278.

ποῖ ποῖ

: τὸ ποῖ τοπικόν. ποῦ, ποῦ ἐπηδήσαμεν καὶ ἐκινήθημεν ἀπὸ τῆς κοίτης; ἐκ κυμάτων γὰρ, ἤτοι ἐκ τῆς τοῦ κλύδωνος μανίας καὶ ταραχῆς, βλέπω πάλιν γαληνὰ καὶ ἥσυχα. I.

ἡλάμεσθα

: ἐπηδήσαμεν. Gr. ἐκινήθημεν. ἐπλανήθημεν, ἠλαυνόμεθα. Gu.