Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

18.

Κρήσσης

: οὐ γὰρ ἂν Ἑλληνὶς γυνὴ τοιαῦτα ἔπραξε. τοῦτο οὖν προσέθηκεν ἐλευθερῶν μὲν τὰς Ἑλληνίδας, κωμῳδῶν δὲ τὰς Κρήσσας. Α.C. M. τὸ ἀρσενικὸν Κρής, καὶ κλίνεται Κρητός· τὰ γὰρ εἰς ης ὀξύτονα μονοσύλλαβα περιττοσυλλάβως κλινόμενα διὰ τοῦ τος, οἷον Κρής Κρητός, βλής βλητός, σής σητός. Fl. 21.

Ἀερόπης ἄπο

: πάλιν τὴν μοιχείαν Ἀερόπης αἰνίττεται ἢ τὴν γονὴν Πλεισθένους, ὃν ἀνεῖλε Θυέστης. C.M. ὁ μὲν Ἀτρεὺς ἐφόνευσε τοὺς παῖδας τοῦ Θυέστου, εἶθ’ οὕτως παρέβαλε τῷ Θυέστῃ, καὶ ἔφαγεν αὐτούς. ὁ δὲ Θυέστης ἔγημε τὴν γυναῖκα τοῦ Ἀτρέως, ἥτις ἦν Ἀερόπη. C.

θεοῖς στυγούμενον

: οὐχ ὡς μισουμένην παρὰ θεῶν προφανῶς ἡ Ἠλέκτρα εἶπεν, ἀλλ’ ὡς ἐν εὐχῆς τρόπῳ καὶ ὡς ἐὰν οὕτως εἶπεν, ἣν μισήσειαν οἱ θεοί. A. τὴν θεομίσητον. Gr. διὰ τὸ πολλῶν κακῶν αἰτίαν γενέσθαι. Gu.