Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1574.

τούσδε

: Πυλάδην καὶ Ὀρέστην. Bar. Gu.

πυργηρουμένους

: δίκην πύργου ἑστῶτας. B. ἐνόπλους, κατὰ τοὺς ὀχυροὺς καὶ ἐν κύκλῳ στρεφομένους πύργους. Bar. Gr. περικαθημένους. Bar. Gu.

1575.

ἐπίφρουρον

: ἤγουν πλησίον, ἐκ μεταφορᾶς τῶν φυλαττόντων. Gr. ἐπικείμενον, ἢ ἐπὶ τούτῳ φρουρούμενον καὶ φυλαττόμενον καὶ κατεχόμενον, ἐφ’ ὦ ταύτην ἐκκόψαι. Bar. Gu. ἐπικείμενον καὶ φυλάσσον τὸν λαιμὸν τῆς ἐμῆς θυγατρός. Fl. 6. 9. 17. 21. 25. ἐπίφρουρον ἐπικείμενον, παρ’ ὅσον οἱ φρουροῦντες ἐπίκεινται τοῖς φρουρουμένοις. A.M. Fl. 33.

1576.

ἀνάγκη

: σὺ γὰρ ἰσχυρότερος τανῦν αὐτόθι καθήμενος. Bar. Gu.