Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1516.

ὄμοσον

: ὄμοσον, φησὶν, ὅτι οὐ πρὸς χάριν ἐμὴν ταῦτα λέγεις, οὐδὲ ὑποκρινόμενος, ἀλλὰ τῇ ἀληθείᾳ οὕτω φρονεῖς. λείπει δὲ ἡ εἰς, εἰς ἐμην χάριν. A.B.M.I. ὅτι ἐνδικώτατα διώλετο, ἢ ὅτι ὅσα σου ἡ γλῶσσα λέγει, ταῦτα καὶ ἡ ψυχή σου. Gu.

1517.

τὴν ἐμὴν ψυχήν

: τὴν ἐμὴν ζωὴν κατώμοσα, ἣν ἐπικαλῶ, εἰς ὅρκον λαμβάνω. I.

ἣν ἂν εὐορκοῖμ’ ἐγώ

: ἀληθῶς ὀμνύοιμι. φυλάξω. Gu. ἣν ἂν ἐγὼ καλῶς, ἤγουν ἔξω κακοτροπίας, εἰς ὅρκον προβαλοίμην. Gr. ἀληθῶς ὀμνύοιμι, τουτέστι δι’ ὧν ζῆν ᾑρετισάμην, διὰ τούτων ὥσπερ δι’ ὅρκου ἔδειξα ὡς ἀληθῆ ταῦτά φημι. οἱ δὲ τὸ κατώμοσα ἀντὶ τοῦ ὀμνύω λέγοντες οὐ καλῶς λέγουσιν. Gu. Bar.

1518.

ὧδε κὰν Τροίᾳ

: καὶ ἐν Τροίᾳ, φησὶν, ὁ σίδηρος οὕτως ἦν φοβερὸς τοῖς Τρωσὶν, ὡς σὺ νῦν ὁρῶν τὸ ξίφος φῂς θάνατον ἐνοπτρίζεσθαι; A.B.M. I. ἰδὼν ὁ Ὀρέστης ὅτι παραχρῆμα τὴν ψυχὴν αὐτοῦ ὤμοσεν ὁ Φρὺξ φοβηθεὶς τὸ ξίφος τοῦτό φησιν. Gu.