Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

151.

χρόνια

: χρονίως, βραδέως. Gr. μόλις. καὶ διὰ τοῦτο οὐ βούλομαι ὑμᾶς ὄχλον αὐτῷ παρασχούσας ἐξαναστῆσαι. Gu.

152.

πῶς ἔχει

: πῶς διάκειται ὁ Ὀρέστης; μετάδος ἡμῖν λόγου, ὦ φίλη. I.

154.

τίνα τύχαν εἴπω

: τὴν περὶ αὐτοῦ τύχην, πότερον ἐπὶ τὸ χεῖρον ἢ ἐπὶ τὸ ἄμεινον νένευκεν. B.C.M. τίνα δυστυχίαν αὐτοῦ εἴπω, τίνα δὲ συμφοράν; ἔτι μὲν ἀναπνεῖ, βραχὺ δὲ καὶ ὀλίγον ἀναστένει. I.

156.

τί φῂς, ὦ τάλας

: ὁ Ὀρέστης δηλονότι. I.

ὦ τάλας

: οἰκειούμενος τὰς συμφορὰς ὁ χορὸς καὶ συναχθόμενος γεγωνότερον ἀνέκραγε τὸ ὦ τάλας. διό φησιν ὀλεῖς, εἰ βλέφαρα κινήσεις. A. B.C.M. I. δεῖ δὲ νοεῖν στεναγμόν τινα γεγενῆσθαι μετὰ τὸ ὦ τάλας ὑπὸ τοῦ χοροῦ, ἵνα εὔλογον ᾖ τὸ παρὰ τῆς Ἠλέκτρας εἰρημένον σὺ γάρ νιν, ὦ τάλαινα, θωύξασ’ ἔβαλες ἐξ ὕπνου. B.M.I. τί φῄς, πρὸς τὴν Ἠλέκτραν, ὦ τάλας, πρὸς τὸν Ὀρέστην. I.