Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1266.

ἑλίσσετε νῦν

: τὸ ἑξῆς· ἑλίσσετε νῦν βλέφαρον διὰ βοστρύχων, καὶ κόραισι δίδοτε πάντα, ὅ ἐστι πάντα τόπον τῇ θέᾳ δίδοτε καὶ σκοπεῖτε. διὰ τῶν βοστρύχων δὲ, ἐπειδὴ καθειμένον ἔχουσι τὸν πλόκαμον μέχρι τῶν παρειῶν, ἢ ὡς πενθοῦσαι τὸν Ὀρέστην, ἢ ὡς παρθένοι, ἐξ οὗ συνέβαινε τὰ πλάγια μὴ ὁρᾶν. B.M.I.

κόραις

: κόρος δὲ διὰ τὸ ἐπὶ ταῖς κόραις βλέφαρον· κόρον γὰρ τὸ μέλαν. ἑλίσσετε καὶ κινεῖτε, καὶ διὰ τῶν βοστρύχων αὐτὸ δίδοτε πανταχόσε, ἀντὶ τοῦ τὰς κόρας καὶ τὰς ὄψεις ἀποτείνετε πανταχοῦ, ἵν’ ᾖ τὸ πάντῃ ἀντὶ τοῦ πανταχοῦ, ἢ πάντα τόπον δίδοτε ταῖς ὄψεσι. B.M. I. λείπει τὸ βλέπειν. τῆς ἐπάρσεως ἄρατε ἄνω τοὺς βοστρύχους καὶ βλέπετε ἀνεμποδίστως. B.

ἑλίσσετε

: συστρέφετε ἁπανταχόσε τοὺς ὀφθαλμούς. Gu.

βλέφαρον

: τοὺς ὀφθαλμοὺς δηλονότι, ἤγουν περισκοπεῖσθε. Gr. Fl. 6. 9. 17. 21. 56. 59. 76.

κόραισι δίδοτε

: τὸ βλέφαρον ἐνδίδοτε ταῖς κόραις, τουτέστι τοῖς ὀφθαλμοῖς πάντη ἤγουν πρὸς πᾶν μέρος διὰ τῶν βοστρύχων. Gr. Fl. 6. 17. 56. 59. 76.