Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
1187.
χοάς: χοαὶ λέγονται ἐπὶ τῶν νεκρῶν. I.
κατασπείσουσα: θύσουσα βέβηκε. Gu. τὸ χοὰς κατασπείσουσα οὐ πρὸς τὸ τίνα ἐλπίδα ὑποβάλλειςἀπεκρίθη, ἀλλὰ πρὸς τὸ τί δράσουσα. Gu.
ὑπὲρ μητρὸς τάφου: ἐπάνω τοῦ τάφου τῆς μητρὸς, ἡμῶν δηλονότι. Gr.
μητρός: τῆς Κλυταιμνήστρας, ἤγουν ἀπῆλθεν εἰς τὸν τάφον τῆς Κλυταιμνήστρας, ὅπως αὐτῇ σπείσῃ εὐμένειαν πρὸς Ἑλένην καὶ Μενέλαον ἔχειν. Gu. ἢ γράφεται ὑπὲρ μητρὸς τάφον, τουτέστιν ὑπὲρ μητρὸς αὐτῆς τῆς Ἑλένης τάφῳ τῆς Κλυταιμνήστρας. Fl. 6.