Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

10.

ἀκόλαστον

: ἐπεὶ ἀκολάστῳ τινὶ λόγῳ φασὶν αὐτὸν κολάζεσθαι. εἰ γὰρ μετέδωκε τῆς ἀμβροσίας κατὰ τὸν Πίνδαρον τοῖς βροτοῖς, μᾶλλον ἂν τῆς φιλανθρωπίας παρὰ θεῶν ἐθαυμάζετο. αἰσχίστην δὲ νόσον τὴν γλωσσαλγίαν φησὶν, ὅτι πορνεία μὲν καὶ γαστριμαργία καὶ τὰ λοιπὰ πάθη σὺν τῇ βλάβῃ ἔχουσί τι καὶ τερπνὸν, ἡ δὲ γλωσσαλγία καὶ τούτου ἐστέρηται, καὶ ὅτι τὰ μὲν ἄλλα πάθη τὸν χρώμενον βλάπτει, αὕτη δὲ κατὰ τοῦ θείου ὁπλίζεται. A. B. M.I. ἀπαίδευτον. Gr. ἄσεμνον, ὑβριστικὸν, ἄτιμον, ἀνουθέτητον. κολάζω κατὰ Ἀττικοὺς τὸ νουθετῶ. Gu. ἐξέδωκεν τὰ μυστήρια. Fl. 21. ἄσεμνον. M.

αἰσχίστην

: κακίστην. οὐδὲν γὰρ ἀθυρογλώσσου φαυλότερον. Gu.

11.

οὗτος φυτεύει Πέλοπα

: ἐξ Εὐρυθεμίστης τῆς Ξάνθου, ἢ Κλυτίας τῆς Ἀμφιδάμαντος, ὡς ἱστορεῖ Φερεκύδης .. . . .. δὲ ἱστορεῖ ἐξ Εὐρυανάσσης τῆς Πακτωλοῦ. B. M. ἐξ Εὐρυθεμίστης τῆς Ξάνθου, ἢ Κλυτίας τῆς Ἀμφιδάμαντος, ὡς ἱστορεῖ Φερεκύδης, ὁ Τάνταλος ἐγέννησε τὸν Πέλοπα. I. ἀντὶ τοῦ γεννᾷ. μεταφορικῶς ἀπὸ τῶν ἐνύδρων. M. γεννᾷ. ἀντὶ τοῦ ἐγέννησε. Gr. Fl. 59. 76.