The Epistle to Diogentus

ἆρά γε, ὡς ἀνθρώπων ἄν τις λογίσαιτο, ἐπὶ τυραννίδι καὶ φόβῳ καὶ καταπλήξει; [*](Zech. 9, 9)

οὐ μὲν οὖν: ἀλλ̓ ἐν ἐπιεικείᾳ καὶ [*](Jo. 3, 17) πραΰτητι ὡς βασιλεὺς πέμπων υἱὸν βασιλέα [*](Jo. 3, 17) ἔπεμψεν, ὡς θεὸν ἔπεμψεν, ὡς ἄνθρωπον πρὸς ἀνθρώπους ἔπεμψεν, ὡς σώζων ἔπεμψεν, ὡς πείθων, οὐ βιαζόμενος: βία γὰρ οὐ πρόσεστι τῷ θεῷ.

ἔπεμψεν ὡς καλῶν, οὐ διώκων: ἔπεμψεν [*](Malach. 3, 2) ὡς ἀγαπῶν, οὐ κρίνων.

πέμψει γὰρ αὐτὸν κρίνοντα: καὶ τίς αὐτοῦ τὴν παρουσίαν ὑποστήσεται; ...

.. παραβαλλομένους θηρίοις,

οὐχ ὁρᾷς, ὅσῳ πλείονες κολάζονται, τοσούτῳ πλεονάζοντας ἄλλους;

ταῦτα ἀνθρώπου οὐ δοκεῖ τὰ ἔργα: ταῦτα δύναμίς ἐστι θεοῦ: ταῦτα τῆς παρουσίας αὐτοῦ δείγματα.

Τίς γὰρ ὅλως ἀνθρώπων ἠπίστατο, τί ποτ̓ ἐστὶ θεὸς πρὶν αὐτὸν ἐλθεῖν;