Dialexeis

Maximus of Tyre

Maximus of Tyre. Maximi Tyrii philosophumena. Hobein, Hermann, editor. Leipzig: Teubner, 1910.

καὶ ἵνα σωθῇ ναῦς, καὶ στρατόπεδον, καὶ γῆ, καὶ οἶκος, πράγματα μὲν ὁ κυβερνήτης ἔχει, πράγματα δὲ ἔχει ὁ στρατηγός, πράγματα δὲ ὁ νομοθέτης· ὑπὲρ δὲ οὐρανοῦ καὶ γῆς καὶ θαλάττης καὶ τῶν ἄλλων μερῶν, τίς, ὦ Ἐπίκουρε, βουλεύεται; τίς κυβερνήτης; τίς στρατηγός;

τίς νομοθέτης; τίς γεωργός; τίς οἰκονόμος; Ἀλλʼ οὐδὲ ὁ Σαρδανάπαλλος ἀπράγμων ἦν, ἀλλʼ ἐντὸς θυρῶν κατακεκλεισμένος, ἐπὶ σφυρηλάτου κλίνης κείμενος ἐν [*](35a)γυναικῶν χορῷ, ἐβου|λεύετο ὅμως, πῶς σωθῇ Νῖνος, καὶ πῶς Ἀσσύριοι εὐδαιμονῶσιν· σοὶ δὲ ἡ Διὸς ἡδονὴ καὶ τῆς Σαρδαναπάλλου ἐκείνου ἀργοτέρα;

Ὤ μύθων ἀπίστων, καὶ μηδεμιᾷ ποιητικῇ ἁρμονίᾳ πρεπόντων.

[*](15. 16 ἐν γυναικῶν χορῷ vi. or. 30. 5d cf. Plut. fort. Alex. II 3 Dio Chrys. 62. 5)[*](2. 3 ἡ τῶν Ἑλληνικῶν (quibus praemissa sunt verba ταῦτα ποιηταὶ καὶ φιλόσοφοι λέγουσιν e p. 49. 19 sq. oriunda) — 5 δῆ- μος p (omissis verbis 4 ὑπὲρ μὲν — 5 βασιλεὺς))[*](2 〈διὰ〉 βασιλέως Hob. ἐκ βασιλέως α(δΔ) | ῥεῖ („fit“)] κυρεῖ Schenkl | καὶ ἡ τῶν — 4 ῥεῖ om. MNφ || 3 Ἑλληνικῶν] Ἀθη- ναίων α(δ) || 7 νομοθέτης, 〈καὶ περὶ γῆς γεωργός, καὶ περὶ οἴκου οἰκονόμος·〉 καὶ Markl. || 8 στρατόπεδον 〈καὶ πόλις〉 καὶ Markl. || 10 νομοθέτης 〈καὶ ὁ γεωργὸς καὶ ὁ οἰκονόμος·〉 ὑπὲρ Markl. || 14 Σαρδανάπαλος ϛ(δ) semper | θυρίων α(δ) μύρων BH || 15 χρυ- σηλάτου Valkenaer (diatr. p. 281) || 17 Ἀσσύριοι (υ in ras.) R!)

[*](θ)

Εἰ δεῖ εὔχεσθαι.

Ἀνὴρ Φρύξ, ἀργὸς τὸν βίον, ἐραστὴς χρημάτων, [*](Περὶ Μέδου τοῦ Φρυγὸς) λαμβάνει τὸν Σάτυρον, ὡς φησὶν ὁ μῦθος, δαίμονα φίλοινον, κεράσας οἴνῳ κρήνην, εἰς ἣν φοιτῶν διψήσας ἔπινεν.

Εὔχεται ὁ ἀνόητος Φρὺξ δαίμονι αἰχμαλώτῳ· εὔχεται δὲ εὐχήν, οἵαν εἰκὸς ἦν καὶ τοῦτον αἰτεῖν, καὶ ἐκεῖνον τελεσιουργεῖν, γενέσθαι αὐτῷ τὴν γῆν χρυσῆν, καὶ τὰ δένδρα χρυσᾶ, καὶ τὰ λήϊα, καὶ τοὺς λειμῶνας, καὶ τὰ ἐν αὐτοῖς ἄνθη.