Daniel (translatio Graeca)
Septuaginta
Septuaginta. The Old Testament in Greek According to the Septuagint. Volume 3: Hosea-4 Maccabees, Psalms of Solomon, Enoch, The Odes. Swete, Henry Barclay, editor. Cambridge: Cambridge University Press, 1905
ἐθεώρουν ἕως ὅτε θρόνοι ἐτέθησαν, καὶ παλαιὸς ἡμερῶν ἐκάθητο ἔχων περιβολὴν ὡσεὶ χιόνα, καὶ τὸ τρίχωμα τῆς κεφαλῆς αὐτοῦ ὡσεὶ ἔριον λευκὸν καθαρόν· ὁ θρόνος ὡσεὶ φλὸξ πυρός, τροχοὶ αὐτοῦ πῦρ καιόμενον.
ποταμὸς πυρὸς ἕλκων, καὶ ἐξεπορεύετο κατὰ πρόσωπον αὐτοῦ ποταμὸς πυρός· χίλιαι χιλιάδες ἐθεράπευον αὐτὸν καὶ μύριαι μυριάδες παρειστήκεισαν αὐτῷ· καὶ κριτήριον ἐκάθισε καὶ βίβλοι ἠνεῴχθησαν.
ἐθεώρουν τότε τὴν φωνὴν τῶν λόγων τῶν μεγάλων ὧν τὸ κέρας ἐλάλει· θεωρῶν ἤμην, καὶ ἀπετυμπανίσθη τὸ θηρίον, καὶ ἀπώλετο [*](Syr)[*](4 ndnot η βασιλεια των Βαβυλωνιων 87ᵐᵍinf 5 adnot ΙΙερσαι και Μηδοι 87mg εχων 87 ⋇ εν μεσω οδοντων αυτης 87 εν μ. οδ. αυτης Syr 6 adnot οἱ απο Αλεξανδρου κρατησαντες Eλληνες 87mg ταυτα] ras aliq sup ταυ 87? (fort prius τʼ αυτα) τω θηριω (in ω bis ras aliq 87a)] + και γλωσσα εδοθη αυτω Syr 7 adnot οι νυν κρατουντες Ρωμαιοι 87ᵐg κοπανιζων 87 (-ζον 87¹) κερατα δεκα] adnot αι ί βασιλειαι 87ᵐᵍ 8 και ΒoYλΑΙ Syrmg πολλαι] μεγαλαι Syr και ιδου] adnot τελευταιον του αντιχριστου 87ᵐg τρια των κερατων] adnot σημαινει οτι τρεις βασιλεις αινιττονται Αιγυπ- του Αιβυων Αιθιοπων 87mg εξηρανθησαν δι αυτου (διαγτογ Syr mg)] εξερριζωθη απο προσωπου αυτου Syrmᵍ ÷ και εποιει πολεμον προς τους ( ÷ 87) αγιους 87 Syr 9 χιων 87* (χιονα 87¹) 9—10 ⋇ τροχοι αυτου πυρ καιομενον (⋇ 87)..ελκων 87 (deest ??) Syr 9 τροχοι] αρμα Syrᵐᵍ ᵛⁱᵈ 10 KPITHPION Syrmᵍ 11 ⋇ θεωρων ημην Syr)
καὶ τοὺς κύκλῳ αὐτοῦ ἀπέστησε τῆς ἐξουσίας αὐτῶν, καὶ χρόνος ζωῆς ἐδόθη αὐτοῖς ἕως χρόνου καὶ καιροῦ.
ἐθεώρουν ἐν ὁράματι τῆς νυκτός, καὶ ἰδοὺ ἐπὶ τῶν νεφελῶν τοῦ οὐρανοῦ ὡς υἱὸς ἀνθρώπου ἤρχετο, καὶ ὡς παλαιὸς ἡμερῶν παρῆν· καὶ οἱ παρεστηκότες παρῆσαν αὐτῷ.
καὶ ἐδόθη αὐτῷ ἐξουσία καὶ τιμὴ βασιλική, καὶ πάντα τὰ ἔθνη τῆς γῆς κατὰ γένη καὶ πᾶσα δόξα αὐτῷ λατρεύουσα· καὶ ἡ ἐξουσία αὐτοῦ ἐξουσία αἰώνιος ἥτις οὐ μὴ ἀρθῇ, καὶ ἡ βασιλεία αὐτοῦ, ἥτις οὐ μὴ φθαρῇ.
Καὶ ἀκηδιάσας ἐγὼ Δανιὴλ ἐν τούτοις ἐν τῷ ὁράματι τῆς νυκτός, ἐτάρασσόν με οἱ διαλογισμοί μου.
προσῆλθον πρὸς ἕνα τῶν ἑστώτων καὶ τὴν ἀκρίβειαν ἐζήτουν παρʼ αὐτοῦ ὑπέρ πάντων τούτων. ἀποκριθεὶς δὲ λέγει μοι καὶ τὴν κρίσιν τῶν λόγων ἐδήλωσέ μοι