Ecclesiasticus sive Siracides (Sapientia Jesu filii Sirach)

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  1. προτέρα πάντων ἔκτισται σοφία,
  2. καὶ σύνεσις φρονήσεως ἐξ αἰῶνυς.
  1. ῥίζα σοφίας τίνι ἀπεκαλύφθη;
  2. καὶ τὰ πανουργεύματα αὐτῆς τίς ἔγνω;
  1. εἷς ἐστὶν σοφός, φοβερὸς σφόδρα,
  2. καθήμενος ἐπὶ τοῦ θρόνου αὐτοῦ.
  1. Κύριος ⁹αὐτὸς ἔκτισεν αὐτήν,
  2. καὶ ἴδεν καὶ ἐξηρίθμησεν αὐτήν,
  3. (10)καὶ ἐξέχεεν αὐτὴν ἐπὶ πάντα τὰ ἔργα αὐτοῦ,
  1. μετὰ πάσης σαρκὸς κατὰ τὴν δόσιν αὐτοῦ,
  2. καὶ ἐχορήγησεν αὐτὴν τοῖς ἀγαπῶσιν αὐτόν.
  1. φόβος Κυρίου δόξα καὶ καύχημα
  2. καὶ εὐφροσύνη καὶ στέφανος ἀγαλλιάματος.
  1. φόβος Κυρίου τέρψει καρδίαν,
  2. καὶ δώσει εὐφροσύνην καὶ χαρὰν καὶ μακροημέρευσιν.
  3. τῷ φοβουμένῳ τὸν κύριον εὖ ἔσται ἐπʼ ἐσχάτων,
  4. καὶ ἐν ἡμέρᾳ τελευτῆς αὐτοῦ εὑρήσει χάριν.
  1. ἀρχὴ σοφίας φοβεῖσθαι τὸν θεόν,
  2. καὶ μετὰ πιστῶν ἐν μήτρᾳ συνεκτίσθη αὐτοῖς·
  1. καὶ μετὰ ἀνθρώπων θεμέλιον αἰῶνος ἐνόσσευσεν,
    2. [*](Ιnscr σοφια Σειραχ B σ. Ιησου υιου Σειραχ U+05D0 σ. Ι. υιου Σιραχ AC U+05D0ΑC I 1—2 omnia evan in C 2 ημεραν U+05D0* (-ρας U+05D0c.ᵃ) 3 ουρανου] υρανου U+05D0*A* (ουρ. U+05D0c.ᵃ, c.c Aa) | τις εξ sup ras B?ᵛiᵈ 6 πανουργηματα U+05D0AC 9 ειδεν U+05D0C 10 εχορηγησεν] ε[χορηγει] Cᵛⁱᵈ 11 ευ. φροσυνη...αγαλλιαματος] δωσει ευφροσυνην και χαραν και μακροημερευσιν 13 εσχατω U+05D0* (-των U+05D0c.ᵃ) | ευρησει χαριν] ευλογηθησεται U+05D0ACᵛⁱᵈ 14 φο- βεισθαι (-σθε B* -σθαι Bᵃᵇ : item 16, 20) τον θεον] φοβεισθαι τον κν U+05D0A φοβος κ[υ] C 15 om και 1⁰ U+05D0A)
    646
    [*](B)
  2. καὶ μετὰ τοῦ σπέρματος αὐτῶν ἐμπιστευθήσεται.
  1. πλησμονὴ σοφίας φοβεῖσθαι τὸν κύριον.
  2. καὶ μεθύσκει αὐτοὺς ἀπὸ τῶν καρπῶν αὐτῆς·
  1. πάντα τὸν οἶκον αὐτῆς ἐμπλήσει ἐπιθυμημάτων,
  2. καὶ τὰ ἀποδοχεῖα ἀπὸ τῶν γενημάτων αὐτῆς.
  1. στέφανος σοφίας φόβος Κυρίου,
  2. ἀναθάλλων εἰρήνην καὶ ὑγείαν ἰάσεως.
  1. καὶ εἶδεν καὶ ἐξηρίθμησεν αὐτήν,
  2. (24)ἐπιστήμην καὶ γνῶσιν συνέσεως ἐξώμβρησεν,
  3. καὶ δόξαν κρατούντων αὐτῆς ἀνύψωσεν.
  1. ῥίζα σοφίας φοβεῖσθαι τὸν κύριον.
  2. καὶ οἱ κλάδοι αὐτῆς μακροημέρευσις.
  1. Οὐ δυνήσεται θυμὸς ἄδικος δικαιωθῆναι·
  2. ἡ γὰρ ῥοπὴ τοῦ θυμοῦ αὐτοῦ πτῶσις αὐτῷ.
  1. ἕως καιροῦ ἀνθέξεται μακρόθυμος,
  2. καὶ ὕστερον αὐτῷ ἀναδώσει εὐφροσύνη·
  1. ἕως καιροῦ κρύψει τοὺς λόγους αὐτοῦ,
  2. καὶ χείλη πιστῶν ἐκδιηγήσεται σύνεσιν αὐτοῦ.