Proverbia

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  1. ὁ ἐνεργῶν θησαυρίσματα γλώσσῃ ψευδεῖ
  2. μάταια διώκει ἐπὶ παγίδας θανάτου.
  1. ὄλεθρος ἀσεβέσιν ἐπιξενωθήσεται,
  2. οὐ γὰρ βούλονται πράσσειν τὰ δίκαια.
  1. πρὸς τοὺς σκολιοὺς σκολιὰς ὁδοὺς ἀποστέλλει ὁ θεός,
  2. ἁγνὰ γὰρ καὶ ὀρθὰ τὰ ἔργα αὐτοῦ.
  1. κρεῖσσον οἰκεῖν ἐπὶ γωνίας ὑπαίθρου
  2. ἢ ἐν κεκονιαμένοις μετὰ ἀδικίας καὶ ἐν οἴκῳ κοινῷ.
  1. ψυχὴ ἀσεβοῦς οὐκ ἐλεηθήσεται ὑπʼ οὐδενὸς τῶν ἀνθρώπων.
  1. ζημιουμένου ἀκολάστου πανουργότερος γίνεται ὁ κακός,
  2. συνίων δὲ σοφὸς δέξεται γνῶσιν.
  1. συνίει δίκαιος καρδίας ἀσεβῶν
  2. καὶ φαυλίζει ἀσεβεῖς ἐν κακοῖς.
  1. ὃς φράσσει τὰ ὦτα τοῦ μὴ ἐπακοῦσαι ἀσθενοῦς,
  2. καὶ αὐτὸς ἐπικαλέσεται καὶ οὐκ ἔσται ὁ εἰσακούων.
  1. δόσις λάθριος ἀνατρέπει ὀργάς,
  2. δώρων δὲ ὁ φειδόμενος θυμὸν ἐγείρει ἰσχυρόν.
  1. εὐφροσύνη δικαίων ποιεῖ κρίμα,
  2. ὅσιος δὲ ἀκάθαρτος παρὰ κακούργοις.
  1. ἀνὴρ πλανώμενος ἐξ ὁδοῦ δικαιοσύνης
  2. ἐν συναγωγῇ γιγάντων ἀναπαύσεται.
  1. ἀνὴρ ἐνδεὴς ἀγαπᾷ εὐφροσύνην,
  2. φιλῶν οἶνον καὶ ἔλαιον εἰς πλοῦτον·
  1. περικάθαρμα δὲ δικαίου ἄνομος.
  1. κρεῖσσον οἰκεῖν ἐν τῇ ἐρήμῳ
  2. ἢ μετὰ γυναικὸς γλωσσώδους καὶ μαχίμου καὶ ὀργίλου.
  1. θησαυρὸς ἐπιθυμητὸς ἀναπαύσεται ἐπὶ στόματος σοφοῦ,
  2. ἄφρονες δὲ ἄνδρες καταπίονται αὐτόν.
  1. ὁδὸς δικαιοσύνης καὶ ἐλεημοσύνης εὑρήσει ζωὴν καὶ δόξαν.
  1. πόλεις ὀχυρὰς ἐπέβη σοφὸς
  2. καὶ καθεῖλεν τὸ ὀχύρωμα ἐφʼ ᾧ ἐπεποίθεισαν οἱ ἀσεβεῖς.
  1. ὃς φυλάσσει τὸ στόμα αὐτοῦ καὶ τὴν γλῶσσαν,
  2. διατηρεῖ ἐκ θλίψεως τὴν ψυχὴν αὐτοῦ.
[*](U+05D0A)[*](6 διωκει] + και ερχεται U+05D0c.aA 8 αποστελει A 9 κρεισσον] κρισσων A | επι] εν U+05D0* (επι U+05D0c.a) | η εν] η ε sup ras Aa| οικω] κοινω U+05D0* (οικ. U+05D0c.a) | κοινω] +μετα γυναικος μαχημης (? -χιμης) Bc 11 κακος] ακακος BᵃᵇU+05D0A 13 ωτα] +αυτου A | υπακουσοι A | εισακουων] επακουων U+05D0 15 δικαιω (-ων U+05D0c.a) | ποιειν U+05D0A 17 φιλον U+05D0* (-λων U+05D0c.a) | ελαιον] ελεον A 19 κρεισσων B (κρισ- σον U+05D0A) | μαχιμου κ. γλωσσωδους U+05D0A | οργιλους U+05D0* (-λου U+05D0?) 22 πολις A)
457
  1. θρασὺς καὶ αὐθάδης καὶ ἀλαζὼν λοιμὸς καλεῖται,
    2. [*](B)
  2. ὃς δὲ μνησικακεῖ παράνομος.
  1. ἐπιθυμίαι ὀκνηρὸν ἀποκτείνουσιν,
  2. οὐ γὰρ προαιροῦνται αἱ χεῖρες αὐτοῦ ποιεῖν τι.