Proverbia
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- ΠΑΡΟΙΜΙΑΙ Σαλωμῶντος υἱοῦ Δαυείδ
- ὃς ἐβασίλευσεν ἐν Ἰσραήλ,
- γνῶναι σοφίαν καὶ παιδείαν [*](§ C)
- §δέξασθαί τε λόγους φρονήσεως,
- δέξασθαί τε στροφὰς λόγων,
- νοῆσαί τε δικαιοσύνην ἀληθῆ
- καὶ κρίμα κατευθύνειν·
- ἴνα δῷ ἀκάκοις πανουργίαν,
- παιδὶ δὲ νέῳ αἴσθησίν τε καὶ ἔννοιαν.
- τῶνδε γὰρ ἀκούσας σοφὸς σοφώτερος ἔσται,
- ὁ δὲ νοήμων κυβέρνησιν κτήσεται,
- νοήσει τε παραβολὴν καὶ σκοτεινὸν λόγον
- ῥήσεις τε σοφῶν καὶ αἰνίγματα.
- Ἀρχὴ σοφίας φόβος θεοῦ,
- σύνεσις δὲ ἀγαθὴ πᾶσι τοῖς ποιοῦσιν αὐτήν·
- εὐσεβέα δὲ εἰς θεὸν ἀρχὴ αἰσθήσεως,
- σοφίαν δὲ καὶ παιδείαν ἀσεβεῖς ἐξουθενήσουσιν.
- ἄκουε, υἱέ, παιδείαν πατρός σου,
- καὶ μὴ ἀπώσῃ θεσμοὺς μητρός σου·
- στέφανον γὰρ χαρίτων δέξῃ σῇ κορυφῇ,
- καὶ κλοιὸν χρύσεον περὶ σῷ τραχήλῳι
417
- υἱέ, μὴ σε πλανήσωσιν ἄνδρες ἀσεβεῖς, [*](B)
- μηδέ βουληθῇς
- ἐὰν παρακαλέσωσί σε λέγοντες
- Ἐλθὲ μεθʼ ἡμῶν, κοινώνησον αἵματος,
- κρύψωμεν δὲ εἰς γῆν ἄνδρα δίκαιον ἀδίκως.
- καταπίωμεν δέ αὐτὸν ὥσπερ ᾄδης ζῶντα,
- καὶ ἄρωμεν αὐτοῦ τὴν μνήμην ἐκ γῆς·