Psalmi

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  • οὐχὶ ὁ θεὸς ἐκζητήσει ταῦτα;
  • αὐτὸς γὰρ γινώσκει τὰ κρύφια τῆς καρδίας.

  • ὅτι ἕνεκα σοῦ θανατούμεθα ὅλην τὴν ἡμέραν,
  • ἐλογίσθημεν ὡς πρόβατα σφαγῆς.

  • ἐξεγέρθητι· ἵνα τί ὑπνοῖς, κύριε
  • ἀνάστηθι καὶ μὴ ἀπώσῃ εἰς τέλος.

  • ἵνα τί τὸ πρόσωπόν σου ἀποστρέφεις
  • ἐπιλανθάνῃ τῆς πτωχίας ἡμῶν καὶ τῆς θλίψεως ἡμῶν

  • ὅτι ἐταπεινώθη εἰς χοῦν ἡ ψυχὴ ἡμῶν,
  • ἐκολλήθη εἰς γῆν ἡ γαστὴρ ἡμῶν.

  • ἀνάστα, Κύριε, βοήθησον ἡμῖν
  • καὶ λύτρωσαι ἡμᾶς ἕνεκεν τοῦ ὀνόματός σου.

  • Εἰς τὸ τέλος, ὑπὲρ τῶν ἀλλοιωθησομένων· τοῖς υἱοῖς
  • Κόρε εἰς σύνεσιν· ᾠδὴ ὑπὲρ τοῦ ἀγαπητοῦ.

  • Ἐξηρεύξατο ἡ καρδία μου λόγον ἀγαθόν,
  • λέγω ἐγὼ τὰ ἔργα μου τῷ βασιλεῖ
  • ἡ γλῶσσά μου κάλαμος γραμματέως ὀξυγράφου.

    • [*](U+05D0ART)[*](15 κεφαλην Aᵃ? 16 κατεναντιον] κατενωπιον A 17 παραλαλουντος] καταλαλ. U+05D0c.ᵃAT | προσωπου] φοβου U+05D0* (προσ. U+05D0c.a) 18 διαθ.] pr τη R* 19 τας τριβους Bᵇ ᵛⁱdΤ 20 επεκαλυψεν] εκαλυψεν R 21 om του ονοματος A | χειρας] pr τας R* 23 ενεκεν U+05D0AT | προβατα] προτα U+05D0 24 απωση] απωσης ημας R 25 το προσ.] om το A | πτωχειας Bᵃᵇ 26 εις] ε sup ras Aᵃ? — Stich 55 BR 55 U+05D0 57 A XLIV 1 om εις το τελος...ωδη A om ωδη R | υπερ του αγαπητου sup ras Aa pr Δαδ A)
    271

  • ὡραῖος κάλλει παρὰ τοὺς υἱοὺς τῶν ἀνθρώπων,
    • [*](B)
  • ἐξεχύθη ἡ χάρις ἐν χείλεσίν σου·
  • διὰ τοῦτο εὐλόγησέν σε ὁ θεὸς εἰς τὸν αἰῶνα.

  • περιζώσαι τὴν ῥομφαίαν σου ἐπὶ τὸν μηρόν σου, Δυνατέ,
  • τῇ ὡραιότητί σου καὶ τῷ κάλλει σου,

  • καὶ ἔντεινον, καὶ κατευοδοῦ καὶ βασίλευε
  • ἕνεκεν ἀληθείας καὶ πραύτητος καὶ δικαιοσύνης,
  • καὶ ὁδηγήσει σε θαυμαστῶς ἡ δεξιά σου.

  • τὰ βέλη σου ἠκονημένα, Δυνατέ·
  • λαοὶ ὑποκάτω σου πεσοῦνται
  • ἐν καρδίᾳ τῶν ἐχθρῶν τοῦ βασιλέως.

  • ὁ θρόνος σου, ὁ θεός, εἰς αἰῶνα αἰῶνος,
  • ῥάβδος εὐθύτητος ἡ ῥάβδος τῆς βασιλείας σου.

  • ἠγάπησας δικαιοσύνην καὶ ἐμἱσησας ἀνομίαν·
  • διὰ τοῦτο ἔχρισέν σε ὁ θεός, ὁ θεός σου,
  • ἔλαιον ἀγαλλιάσεως παρὰ τοὺς μετόχους σου.

  • σμύρνα καὶ στακτὴ καὶ κασία ἀπὸ τῶν ἱματίων σου,
  • ἀπὸ βάρεων ἐλεφαντίνων, ἐξ ὧν ηὔφρανάν σε.

  • θυγατέρες βασιλέων ἐν τῇ τιμῇ σου·
  • παρέστη ἡ βασίλισσα ἐκ δεξιῶν σου, ἐν ἱματισμῷ διαχρύσῳ
  • περιβεβλημένη πεποικιλμένη.

  • ἄκουσον, θύγατερ, καὶ ἴδε καὶ κλῖνον τὸ οὗς σου,
  • καὶ ἐπιλάθου τοῦ λαοῦ σου καὶ τοῦ οἴκου τοῦ πατρός σου·

  • ὅτι ἐπεθύμησεν ὁ βασιλεὺς τοῦ κάλλους σου,
  • ὅτι αὐτός ἐστιν ὁ κύριός σου.

  • καὶ προσκυνήσουσιν αὐτῷ θυγατέρες Τύρου ἐν δώροις.
  • τὸ πρόσωπόν σου λιτανεύσουσιν οἱ πλούσιοι τοῦ λαοῦ τῆς

  • πᾶσα ἡ δόξα αὐτῆς θυγατρὸς βασιλέως Ἑσεβών·
  • ἐν κροσωτοῖς χρυσοῖς περιβεβλημένη πεποικιλμένη.