Psalmi

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

  • ἀρχὴ σοφίας φόβος Κυρίου.
  • σύνεσις ἀγαθὴ πᾶσι τοῖς ποιοῦσιν αὐτὴν·
  • ἡ αἴνεσις αὐτοῦ μένει εἰς τὸν αἰῶνα τοῦ αἰῶνος.

  • Ἁλληλουιά.

  • Μακάριος ἀνὴρ ὁ φοβούμενος τὸν κύριον,
  • ἐν ταῖς ἐντολαῖς αὐτοῦ θέλει σφόδρα·

  • δυνατὸν ἐν τῇ γῇ ἔσται τὸ σπέρμα αὐτοῦ,
  • γενεὰ εὐθείων εὐλογηθήσεται·

  • δόξα καὶ πλοῦτος ἐν τῷ οἴκῳ αὐτοῦ,
  • καὶ ἡ δικαιοσύνη αὐτοῦ μένει εἰς τὸν αἰῶνα τοῦ αἰῶνος.

  • ἐξανέτειλεν ἐν σκότει φῶς τοῖς εὐθέσι·
  • ἐλεήμων καὶ οἰκτίρμων καὶ δίκαιος.

  • χρηστὸς ἀνὴρ ὁ οἰκτίρμων καὶ κιχρῶν,
  • οἰκονομήσει τοὺς λόγους αὐτοῦ ἐν κρίσει·

    • [*](ART)[*](4 οικτειρμων A 5 αυτον] αυτου R 6 εαυτου bis] αυτου U+05D0c.aART | ενηγγειλεν R 7 αληθια U+05D0 (item 8) 8 στηριγμεναι R 9 απεστειλεν] + κς U+05D0c.aTAR | διαθηκης U+05D0c.a 10 συνεσις (-σεις A)] + δε U+05D0c.a (ras U+05D0c.b) | πασιν U+05D0c.aAR — Stich 21 U+05D0ART CXI 1 αλληλουια] + της επιστροφης Αγγαιου και αχαριου R + Ζαχαριου T | θελει] θελησει U+05D0c.aART | om σφοδρα A*vid (hab Aᵃ?) 2 εσται εν τη γη R | ευθιων U+05D0T (ευθειων A) 4 εξανε- τειλεν (seq ras 4 litt [τοις ut vid) in A) | ευθεσιν RT | οικτειρμων A | δικαιος] + κς ο θς A + ο κυριος R 5 οικτιρμων] οικτειρων A (? R) οικτιρων (? R) T | οικονομηση Τ)
    369

  • ὅτι εἰς τὸν αἰῶνα οὐ σαλευθήσεται·
    • [*](U+05D0)
  • εἰς μνημόσυνον αἰώνιον ἔσται δίκαιος.

  • ἀπὸ ἀκοῆς πονηρᾶς οὐ φοβηθήσεται·
  • ἑτοίμη ἡ καρδία αὐτοῦ ἐλπίζειν ἐπὶ τὸν κύριον.

  • ἐστήρικται ἡ καρδία αὐτοῦ, οὐ φοβηθήσεται,
  • ἕως οὗ ἐφίδῃ τοὺς ἐχθροὺς αὐτοῦ.

  • ἐσκόρπισεν, ἔδωκεν τοῖς πένησιν,
  • ἡ δικαιοσύνη αὐτοῦ μένει εἰς τὸν αἰῶνα τοῦ αἰῶνος·
  • τὸ κέρας αὐτοῦ ὑψωθήσεται ἐν δόξῃ.

  • ἁμαρτωλὸς ὄψεται καὶ ὀργισθήσεται,
  • τοὺς ὀδόντας αὐτοῦ βρύξει καὶ τακήσεται·
  • ἐπιθυμία ἁμαρτωλῶν ἀπολεῖται.

  • Ἁλληλουιά.

  • Αἰνεῖτε, παῖδες, Κύριον,
  • αἰνεῖτε τὸ ὄνομα αὐτοῦ.

  • εἴη τὸ ὄνομα Κυρίου εὐλογημένον
  • ἀπὸ τοῦ νῦν καὶ ἕως τοῦ αἰῶνος·

  • ἀπὸ ἀνατολῶν ἡλίου μέχρι δυσμῶν
  • αἰνεῖται τὸ ὄνομα Κυρίου.

  • ὑψηλὸς ἐπὶ πάντα τὸ ἔθνη ὁ κύριος,
  • ἐπὶ τοὺς οὐρανοὺς ἡ δόξα αὐτοῦ.

  • τίς ὡς Κύριος ὁ θεὸς ἡμῶν;
  • ὁ ἐν ὑψηλοῖς κατοικῶν,

  • καὶ τὰ ταπεινὰ ἐφορῶν
  • ἐν τῷ οὐρανῷ καὶ ἐν τῇ γῇ·

  • ὁ ἐγείρων ἀπὸ γῆς πτωχόν.
  • καὶ ἀπὸ κοπρίας ἀνυψῶν πένητα,

  • τοῦ καθίσαι αὐτὸν μετὰ ἀρχόντων,
  • μετὰ ἀρχόντων λαοῦ αὐτοῦ·

  • ὁ κατοικίζων στεῖραν ἐν οἴκῳ,
  • μητέρα τέκνων εὐφραινομένων.