Paralipomenon II sive Chronicon II

Septuaginta

Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.

ἐν ταῖς ἡμέραις ἐκείναις ἀπέστη Ἐδὼμ ἀπὸ τοῦ Ἰούδα, καὶ ἐβασίλευσαν ἐφʼ αὐτοὺς βασιλέα.

καὶ ᾤχετο Ἰωρὰμ μετὰ τῶν ἀρχόντων, καὶ πᾶσα ἡ ἵππος μετʼ αὐτοῦ· καὶ ἐγένετο καὶ ἠγέρθη νυκτός, καὶ ἐπάταξεν Ἐδὼμ τὸν κυκλοῦντα αὐτὸν καὶ τοὺς ἄρχοντας τῶν ἁρμάτων, καὶ ἔφυγεν ὁ λαὸς εἰς τὰ σκηνώματα αὐτῶν.

καὶ ἀπέστη ἀπὸ Ἰούδα Ἐδὼμ ἕως τῆς ἡμέρας ταύτης· τότε ἀπέστη Λομνὰ ἐν τῷ καιρῷ ἐκείνῳ ἀπὸ χειρὸς αὐτοῦ, ὅτι ἐνκατέλιπεν Κύριον θεὸν τῶν πατέρων αὐτοῦ.

[*](A)[*](35 Ιωσαφατ] + βασιλευς Ιουδα A | )χοζειαν] Οζιαν A |ηνομησαι A 36 om προς αυτον...πορευθηναι (2⁰) A | εν Ἰασιων] ἐργασιῶν A 377 Bλειαδα] Ελιέζερ A | Ωδια A | Μαρισης A | Οχοζια A | ηδυνασθη A X X 1 1 αυτου 1⁰] εαυτου A | ετυφη] + παρα τοῖς πατράσιν ἑαυτοῦ A 2 καί 2⁰] pr Α ζαριας A | Ιηλ] Ιειηλ A | Ζαχαρίας] + και Ἀζαρίας A | Μισαηλ BᵇA | Σαφατιας BᵇA 3 πρωτοτ.] pr ο A 5 οντος αυτου] ων αυτος A | αυτου 2⁰] εαυτου A 6 βασιλεως] βασιλεων BᵃᵇA | γυνη] pr η A 7 εξολοθρευσαι Bᵇ 8 εβα- σιλευσαν] εβασιλευσεν (α mop ras A¹) A | αυτους] εαυτους A 10 απο Ιουδα Εδωμ] Κδωμ· αποl χειρος Ιουδα A | Α ομνα] Αοβνα A | εγκατελιπε Bᵇ εγκατε- λειπεν A | Κ υριον] pr τὸν A | αυτου 2⁰] εαυτου A)
95

καὶ γὰρ αὐτὸς ἐποίησεν ὑψηλὰ ἐν πόλεσιν Ἰούδα, καὶ ἐξεπόρνευσαν [*](Β) τοὺς κατοικοῦντας ἐυ Ἰερουσαλήμ, καὶ ἀπεπλάνησεν τὸν Ἰουδά.

καὶ ἦλθεν αὐτῷ ἐν γραφῇ παρὰ Ἠλειοὺ τοῦ προφήτου λέγων Τάδε λέγει Κύριος θεὸς πατρός σου Δαυείδ Ἀνθʼ ὧν οὐκ ἐπορεύθης ἐν ὁδῷ Ἰωσαφὰτ τοῦ πατρός σου καὶ ἐν ὁδοῖς Ἀσὰ βασιλέως Ἰούδα,

καὶ ἐπορεύθης ἐν ὁδοῖς βασιλέως Ἰσραήλ, καὶ ἐξεπόρνευσας τὸν Ἰούδαν καὶ τοὺς κατοικοῦντας ἐν Ἰερουσαλὴμ ὡς ἐξεπόρνευσεν οἶκος Ἀχαάβ, καὶ τοὺς ἀδελφούς σου υἱοὺς πατρός σου τοὺς ἄγαθοὺς ὑπέρ σὲ ἀπέκτεινας·

ἰδοὺ Κύριος πατάξει σε πληγὴν μεγάλην ἐν τῷ λαῷ σου καὶ ἐν τοῖς υἱοῖς σου καὶ ἐν γυναιξίν σου καὶ ἐν πάσῃ τῇ ἀποσκευῇ σου·

καὶ σὺ ἐν μαλακίᾳ πονηρᾷ, ἐν νόσῳ κοιλίας, ἕως οὗ ἐξέλθῃ ἡ κοιλία σου μετὰ τῆς μαλακίας ἐξ ἡμερῶν εἰς ἡμέρας.

καὶ ἐπήγειρεν Κύριος ἐπὶ Ἰωρὰμ τοὺς ἀλλοφύλους καὶ τοὺς Ἀραβας καὶ τοὺς ὁμόρους τῶν Αἰθιόπων·

καὶ ἀνέβησαν ἐπὶ Ἰούδαν καὶ κατεδυνάστευον, καὶ ἀπέστρεψαν πᾶσαν τὴν ἀποσκευὴν ἣν εὗρον ἐν οἴκῳ τοῦ βασιλέως καὶ τοὺς υἱοὺς αὐτοῦ καὶ τὰς θυγατέρας αὐτοῦ, καὶ οὐ κατελείφθη αὐτῷ υἱὸς ἀλλ ἣ Οχοζείας ὁ μικρότατος τῶν υἱῶν αὐτοῦ.

καὶ μετὰ ταῦτα πάντα ἐπάταξεν αὐτὸν Κύριος εἰς τὴν κοιλίαν μαλακίαν ἧ οὐκ ἔστιν ἰατρεία.