Seven Against Thebes

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. θανόντας: ἦ δύσορνις ἅ-
  2. δε ξυναυλία δορός.
Χορος
  1. ἐξέπραξεν, οὐδ᾽ ἀπεῖπεν
  2. πατρόθεν εὐκταία φάτις:
  3. βουλαὶ δ᾽ ἄπιστοι Λαΐου διήρκεσαν.
  4. μέριμνα δ᾽ ἀμφὶ πτόλιν:
  5. θέσφατ᾽ οὐκ ἀμβλύνεται.
  6. ἰὼ πολύστονοι, τόδ᾽ εἰρ-
  7. γάσασθ᾽ ἄπιστον: ἦλθε δ᾽ αἰ-
  8. ακτὰ πήματ᾽ οὐ λόγῳ.
  9. τάδ᾽ αὐτόδηλα, προῦπτος[*](προὔπτος (οὔπ in rasura m1) M) ἀγγέλου λόγος:
  10. διπλαῖ μέριμναι, διδυμάνορα[*](διδυμάνορα recc. aliquot: δίδυμ᾽ ἀνορέα M)
  11. κάκ᾽ αὐτοφόνα, δίμοιρα τέ-
  12. λεια τάδε πάθη. τί φῶ;—
  13. τί δ᾽ ἄλλο γ᾽ ἢ πόνοι πόνων
  14. δόμων ἐφέστιοι;—
  15. ἀλλὰ γόων,[*](γόων recc.: γόον M) ὦ φίλαι, κατ᾽ οὖρον
  16. ἐρέσσετ᾽ ἀμφὶ κρατὶ πόμπιμον χεροῖν
  17. πίτυλον, ὃς αἰὲν δι᾽ Ἀχέροντ᾽ ἀμείβεται,
  18. μελάγκροκον ναῦν ἄστολον[*](ναῦν scripsi, ἄστολον e rec. et schol. Stanley: τὰν ἄστονον (ante μελάγκροκον) M codd. cett.) [ναύστολον[*](ναύστολον seclusit Stanley)] θεωρίδα,