Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἄγος μὲν εἴη τοῖς ἐμοῖς παλιγκότοις,
  2. ὑμῖν δ᾽ ἀρήγειν οὐκ ἔχω βλάβης ἄτερ:
  3. οὐδ᾽ αὖ τόδ᾽ εὖφρον, τάσδ᾽ ἀτιμάσαι λιτάς.
  4. ἀμηχανῶ δὲ καὶ φόβος μ᾽ ἔχει φρένας
  5. δρᾶσαί τε μὴ δρᾶσαί τε[*](μὴ δρᾶσαί τε Robortello: μηδράσητε M) καὶ τύχην ἑλεῖν.
Χορος
  1. τὸν ὑψόθεν σκοπὸν ἐπισκόπει,[*](ἐπισκόπει Robortello: ἐπισκοπεῖ M G)
  2. φύλακα πολυπόνων
  3. βροτῶν, οἳ τοῖς πέλας προσήμενοι
  4. δίκας οὐ τυγχάνουσιν ἐννόμου.
  5. μένει τοι Ζηνὸς ἱκταίου κότος
  6. δυσπαραθέλκτους[*](δυσπαραθέλκτους Burges: ὦ δυσπαρθέλκτοις M) παθόντος οἴκτοις.
Βασιλευς
  1. εἴ τοι κρατοῦσι παῖδες Αἰγύπτου σέθεν
  2. νόμῳ πόλεως, φάσκοντες ἐγγύτατα γένους
  3. εἶναι, τίς[*](τίς Victorius: τίσδ᾽ M) ἂν τοῖσδ᾽ ἀντιωθῆναι θέλοι;[*](θέλει M, οι supra ει scr. m)
  4. δεῖ τοί σε φεύγειν κατὰ νόμους τοὺς οἴκοθεν,
  5. ὡς οὐκ ἔχουσι κῦρος οὐδὲν ἀμφὶ σοῦ.
Χορος
  1. μή τί ποτ᾽ οὖν γενοίμαν ὑποχείριος[*](ὑποχείριος Robortello: ὑποχέριος M G P)
  2. κράτεσιν ἀρσένων. ὕπαστρον δέ τοι
  3. μῆχαρ ὁρίζομαι γάμου δύσφρονος
  4. φυγάν:[*](φυγάν Heath: φυγαί codd.) ξύμμαχον δ᾽ ἑλόμενος δίκαν