Isthmean

Pindar

Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).

  1. εἴ τις ἀνδρῶν εὐτυχήσαις ἢ σὺν εὐδόξοις ἀέθλοις
  2. ἢ σθένει πλούτου κατέχει φρασὶν αἰανῆ κόρον,
  3. ἄξιος εὐλογίαις ἀστῶν μεμίχθαι.
  4. Ζεῦ, μεγάλαι δʼ ἀρεταὶ θνατοῖς ἕπονται
  5. ἐκ σέθεν· ζώει δὲ μάσσων ὄλβος ὀπιζομένων, πλαγίαις δὲ φρένεσσιν
  6. οὐχ ὁμῶς πάντα χρόνον θάλλων ὁμιλεῖ.
  7. εὐκλέων δʼ ἔργων ἄποινα χρὴ μὲν ὑμνῆσαι τὸν ἐσλόν,
  8. χρὴ δὲ κωμάζοντʼ ἀγαναῖς χαρίτεσσιν βαστάσαι.