Pythian
Pindar
Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).
- καρδίᾳ κότον ἐνελάσῃ,
- τραχεῖα δυσμενέων
- ὑπαντιάξαισα κράτει τιθεῖς
- Ὕβριν ἐν ἄντλῳ. τὰν οὐδὲ Πορφυρίων μάθεν
- παρʼ αἶσαν ἐξερεθίζων· κέρδος δὲ φίλτατον,
- ἑκόντος εἴ τις ἐκ δόμων φέροι.
- βία δὲ καὶ μεγάλαυχον ἔσφαλεν ἐν χρόνῳ.
- Τυφὼς Κίλιξ ἑκατόγκρανος οὔ νιν ἄλυξεν,
- οὐδὲ μὰν βασιλεὺς Γιγάντων· δμᾶθεν δὲ κεραυνῷ
- τόξοισί τʼ Ἀπόλλωνος· ὃς εὐμενεῖ νόῳ
- Ξενάρκειον ἔδεκτο Κίρραθεν ἐστεφανωμένον
- υἱὸν ποίᾳ Παρνασσίδι Δωριεῖ τε κώμῳ.
- ἔπεσε δʼ οὐ Χαρίτων ἑκὰς
- ἁ δικαιόπολις ἀρεταῖς
- κλειναῖσιν Αἰακιδᾶν
- θιγοῖσα νᾶσος· τελέαν δʼ ἔχει
- δόξαν ἀπʼ ἀρχᾶς. πολλοῖσι μὲν γὰρ ἀείδεται
- νικαφόροις ἐν ἀέθλοις θρέψαισα καὶ θοαῖς
- ὑπερτάτους ἥρωας ἐν μάχαις·
- τὰ δὲ καὶ ἀνδράσιν ἐμπρέπει.
- εἰμὶ δʼ ἄσχολος ἀναθέμεν
- πᾶσαν μακραγορίαν
- λύρᾳ τε καὶ φθέγματι μαλθακῷ,
- μὴ κόρος ἐλθὼν κνίσῃ. τὸ δʼ ἐν ποσί μοι τράχον
- ἴτω τεὸν χρέος, ὦ παῖ, νεώτατον καλῶν,
- ἐμᾷ ποτανὸν ἀμφὶ μαχανᾷ.
- παλαισμάτεσσι γὰρ ἰχνεύων ματραδελφεοὺς
- Ὀλυμπίᾳ τε Θεόγνητον οὐ κατελέγχεις,