Pythian
Pindar
Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).
- Διὸς ἐν Ἄμμωνος θεμέθλοις.
- ἀντὶ δελφίνων δʼ ἐλαχυπτερύγων ἵππους ἀμείψαντες θοάς,
- ἁνία τʼ ἀντʼ ἐρετμῶν δίφρους τε νωμάσοισιν ἀελλόποδας.
- κεῖνος ὄρνις ἐκτελευτάσει μεγαλᾶν πολίων
- ματρόπολιν Θήραν γενέσθαι, τόν ποτε Τριτωνίδος ἐν προχοαῖς
- λίμνας θεῷ ἀνέρι εἰδομένῳ γαῖαν διδόντι
- ξείνια πρῴραθεν Εὔφαμος καταβὰς
- δέξατʼ· αἴσιον δʼ ἐπί οἱ Κρονίων Ζεὺς πατὴρ ἔκλαγξε βροντάν·
- ἁνίκʼ ἄγκυραν ποτὶ χαλκόγενυν
- ναῒ κρημνάντων ἐπέτοσσε, θοᾶς Ἀργοῦς χαλινόν. δώδεκα δὲ πρότερον
- ἁμέρας ἐξ Ωκεανοῦ φέρομεν νώτων ὕπερ γαίας ἐρήμων
- εἰνάλιον δόρυ, μήδεσιν ἀνσπάσσαντες ἀμοῖς.
- τουτάκι δʼ οἰοπόλος δαίμων ἐπῆλθεν, φαιδίμαν
- ἀνδρὸς αἰδοίου πρόσοψιν θηκάμενος· φιλίων δʼ ἐπέων
- ἄρχετο, ξείνοις ἅτʼ ἐλθόντεσσιν εὐεργέται