In Defence of Euxenippus

καὶ ὑμεῖς πρόσωπόν τε ποιησάμενοι[*](ποιησάμενοι Kayser:κοσμησάμενοι A: κομισάμενοι Comparetti.) ὡς οἷόν τε κάλλιστον καὶ τἆλλα πάντα τὰ ἀκόλουθα, καὶ κόσμον πολὺν καὶ πολυτελῆ τῇ θεῷ παρασκευάσαντες, καὶ θεωρίαν καὶ θυσίαν πολλῶν χρημάτων ἀποστείλαντες, ἐπεκοσμήσατε τὸ ἕδος τῆς Διώνης ἀξίως καὶ ὑμῶν αὐτῶν καὶ τῆς θεοῦ. ὑπὲρ τούτων ὑμῖν τὰ ἐγκλήματα ἦλθε παρʼ Ὀλυμπιάδος ἐν ταῖς ἐπιστολαῖς, ὡς ἡ χώρα εἴη ἡ Μολοττία[*](Μολοττία Lightfoot: Μολοσσία A : del.Cobet.) αὑτῆς, ἐν ᾗ τὸ ἱερόν ἐστιν· οὔκουν προσήκειν[*](προσήκειν Cobet:προσῆκεν A.) ἡμᾶς τῶν ἐκεῖ οὐδὲ ἓν κινεῖν.