Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. οὐ γὰρ ἔθʼ Ἥφαιστος μεταδήμιος, ἀλλά που ἤδη
  2. οἴχεται ἐς Λῆμνον μετὰ Σίντιας ἀγριοφώνους.
  3. ὣς φάτο, τῇ δʼ ἀσπαστὸν ἐείσατο κοιμηθῆναι.
  4. τὼ δʼ ἐς δέμνια βάντε κατέδραθον· ἀμφὶ δὲ δεσμοὶ
  5. τεχνήεντες ἔχυντο πολύφρονος Ἡφαίστοιο,
  6. οὐδέ τι κινῆσαι μελέων ἦν οὐδʼ ἀναεῖραι.
  7. καὶ τότε δὴ γίγνωσκον, ὅ τʼ οὐκέτι φυκτὰ πέλοντο.