Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. τὴν μὲν Ἀχιλλῆος ῥηξήνορος υἱέι πέμπεν·
  2. ἐν Τροίῃ γὰρ πρῶτον ὑπέσχετο καὶ κατένευσε
  3. δωσέμεναι, τοῖσιν δὲ θεοὶ γάμον ἐξετέλειον.
  4. τὴν ἄρʼ ὅ γʼ ἔνθʼ ἵπποισι καὶ ἅρμασι πέμπε νέεσθαι
  5. Μυρμιδόνων προτὶ ἄστυ περικλυτόν, οἷσιν ἄνασσεν.
  6. υἱέι δὲ Σπάρτηθεν Ἀλέκτορος ἤγετο κούρην,
  7. ὅς οἱ τηλύγετος γένετο κρατερὸς Μεγαπένθης
  8. ἐκ δούλης· Ἑλένῃ δὲ θεοὶ γόνον οὐκέτʼ ἔφαινον,
  9. ἐπεὶ δὴ τὸ πρῶτον ἐγείνατο παῖδʼ ἐρατεινήν,
  10. Ἑρμιόνην, ἣ εἶδος ἔχε χρυσέης Ἀφροδίτης.
  11. ὣς οἱ μὲν δαίνυντο καθʼ ὑψερεφὲς μέγα δῶμα
  12. γείτονες ἠδὲ ἔται Μενελάου κυδαλίμοιο,