Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. αὐτίκα δʼ ἥ γʼ ἐπέεσσι πόσιν ἐρέεινεν ἕκαστα·
  2. ἴδμεν δή, Μενέλαε διοτρεφές, οἵ τινες οἵδε
  3. ἀνδρῶν εὐχετόωνται ἱκανέμεν ἡμέτερον δῶ;
  4. ψεύσομαι ἦ ἔτυμον ἐρέω; κέλεται δέ με θυμός.
  5. οὐ γάρ πώ τινά φημι ἐοικότα ὧδε ἰδέσθαι
  6. οὔτʼ ἄνδρʼ οὔτε γυναῖκα, σέβας μʼ ἔχει εἰσορόωσαν,
  7. ὡς ὅδʼ Ὀδυσσῆος μεγαλήτορος υἷι ἔοικε,
  8. Τηλεμάχῳ, τὸν ἔλειπε νέον γεγαῶτʼ ἐνὶ οἴκῳ
  9. κεῖνος ἀνήρ, ὅτʼ ἐμεῖο κυνώπιδος εἵνεκʼ Ἀχαιοὶ
  10. ἤλθεθʼ ὑπὸ Τροίην πόλεμον θρασὺν ὁρμαίνοντες.
  11. τὴν δʼ ἀπαμειβόμενος προσέφη ξανθὸς Μενέλαος·
  12. οὕτω νῦν καὶ ἐγὼ νοέω, γύναι, ὡς σὺ ἐίσκεις·