Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. πρῶτος Νεστορίδης Πεισίστρατος ἐγγύθεν ἐλθὼν
  2. ἀμφοτέρων ἕλε χεῖρα καὶ ἵδρυσεν παρὰ δαιτὶ
  3. κώεσιν ἐν μαλακοῖσιν ἐπὶ ψαμάθοις ἁλίῃσιν
  4. πάρ τε κασιγνήτῳ Θρασυμήδεϊ καὶ πατέρι ᾧ·
  5. δῶκε δʼ ἄρα σπλάγχνων μοίρας, ἐν δʼ οἶνον ἔχευεν
  6. χρυσείῳ δέπαϊ· δειδισκόμενος δὲ προσηύδα
  7. Παλλάδʼ Ἀθηναίην κούρην Διὸς αἰγιόχοιο·
  8. εὔχεο νῦν, ὦ ξεῖνε, Ποσειδάωνι ἄνακτι·