Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ὁ ξεῖνος, τὸν πάντες ἀτίμων ἐν μεγάροισι.
  2. Τηλέμαχος δʼ ἄρα μιν πάλαι ᾔδεεν ἔνδον ἐόντα,
  3. ἀλλὰ σαοφροσύνῃσι νοήματα πατρὸς ἔκευθεν,
  4. ὄφρʼ ἀνδρῶν τίσαιτο βίην ὑπερηνορεόντων.
  5. ὣς ἔφαθʼ, ἡ δʼ ἐχάρη καὶ ἀπὸ λέκτροιο θοροῦσα
  6. γρηῒ περιπλέχθη, βλεφάρων δʼ ἀπὸ δάκρυον ἧκεν·
  7. καί μιν φωνήσασʼ ἔπεα πτερόεντα προσηύδα·
  8. εἰ δʼ ἄγε δή μοι, μαῖα φίλη, νημερτὲς ἐνίσπες,
  9. εἰ ἐτεὸν δὴ οἶκον ἱκάνεται, ὡς ἀγορεύεις,