Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἔνθεν δώδεκα μὲν σάκεʼ ἔξελε, τόσσα δὲ δοῦρα
  2. καὶ τόσσας κυνέας χαλκήρεας ἱπποδασείας·
  3. βῆ δʼ ἴμεναι, μάλα δʼ ὦκα φέρων μνηστῆρσιν ἔδωκεν.
  4. καὶ τότʼ Ὀδυσσῆος λύτο γούνατα καὶ φίλον ἦτορ,
  5. ὡς περιβαλλομένους ἴδε τεύχεα χερσί τε δοῦρα
  6. μακρὰ τινάσσοντας· μέγα δʼ αὐτῷ φαίνετο ἔργον.