Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἐν πάντεσσι πόνοις. ἐρέω δέ τοι ἐξαναφανδόν·
  2. εἴ περ πεντήκοντα λόχοι μερόπων ἀνθρώπων
  3. νῶϊ περισταῖεν, κτεῖναι μεμαῶτες Ἄρηϊ,
  4. καί κεν τῶν ἐλάσαιο βόας καὶ ἴφια μῆλα.
  5. ἀλλʼ ἑλέτω σε καὶ ὕπνος· ἀνίη καὶ τὸ φυλάσσειν
  6. πάννυχον ἐγρήσσοντα, κακῶν δʼ ὑποδύσεαι ἤδη.
  7. ὣς φάτο, καί ῥά οἱ ὕπνον ἐπὶ βλεφάροισιν ἔχευεν,
  8. αὐτὴ δʼ ἂψ ἐς Ὄλυμπον ἀφίκετο δῖα θεάων.