Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ῥεῖα· μνηστῆρες δὲ δόμον κάτα δαῖτα πένοντο.
  2. οἱ δʼ ἐπελώβευον καὶ ἐκερτόμεον ἐπέεσσιν.
  3. ὧδε δέ τις εἴπεσκε νέων ὑπερηνορεόντων·
  4. ἦ μάλα Τηλέμαχος φόνον ἡμῖν μερμηρίζει.
  5. ἤ τινας ἐκ Πύλου ἄξει ἀμύντορας ἠμαθόεντος
  6. ἢ ὅ γε καὶ Σπάρτηθεν, ἐπεί νύ περ ἵεται αἰνῶς·
  7. ἠὲ καὶ εἰς Ἐφύρην ἐθέλει, πίειραν ἄρουραν,
  8. ἐλθεῖν, ὄφρʼ ἔνθεν θυμοφθόρα φάρμακʼ ἐνείκῃ,
  9. ἐν δὲ βάλῃ κρητῆρι καὶ ἡμέας πάντας ὀλέσσῃ.
  10. ἄλλος δʼ αὖτʼ εἴπεσκε νέων ὑπερηνορεόντων·
  11. τίς δʼ οἶδʼ, εἴ κε καὶ αὐτὸς ἰὼν κοίλης ἐπὶ νηὸς
  12. τῆλε φίλων ἀπόληται ἀλώμενος ὥς περ Ὀδυσσεύς;