Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ὁππότερος δέ κε νικήσῃ κρείσσων τε γένηται,
  2. τάων ἥν κʼ ἐθέλῃσιν ἀναστὰς αὐτὸς ἑλέσθω·
  3. αἰεὶ αὖθʼ ἡμῖν μεταδαίσεται, οὐδέ τινʼ ἄλλον
  4. πτωχὸν ἔσω μίσγεσθαι ἐάσομεν αἰτήσοντα.
  5. ὣς ἔφατʼ Ἀντίνοος, τοῖσιν δʼ ἐπιήνδανε μῦθος.
  6. τοῖς δὲ δολοφρονέων μετέφη πολύμητις Ὀδυσσεύς·
  7. ὦ φίλοι, οὔ πως ἔστι νεωτέρῳ ἀνδρὶ μάχεσθαι
  8. ἄνδρα γέροντα, δύῃ ἀρημένον· ἀλλά με γαστὴρ
  9. ὀτρύνει κακοεργός, ἵνα πληγῇσι δαμείω.