Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. σῖτον δʼ αἰδοίη ταμίη παρέθηκε φέρουσα,
  2. εἴδατα πόλλʼ ἐπιθεῖσα, χαριζομένη παρεόντων.
  3. μήτηρ δʼ ἀντίον ἷζε παρὰ σταθμὸν μεγάροιο
  4. κλισμῷ κεκλιμένη, λέπτʼ ἠλάκατα στρωφῶσα.
  5. οἱ δʼ ἐπʼ ὀνείαθʼ ἑτοῖμα προκείμενα χεῖρας ἴαλλον,
  6. αὐτὰρ ἐπεὶ πόσιος καὶ ἐδητύος ἐξ ἔρον ἕντο,
  7. τοῖσι δὲ μύθων ἦρχε περίφρων Πηνελόπεια·