Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἀνδρῶν μνηστήρων, οἵ τοι βίοτον κατέδουσιν.
  2. ὣς ἄρα μιν φαμένη ῥάβδῳ ἐπεμάσσατʼ Ἀθήνη.
  3. κάρψεν μὲν χρόα καλὸν ἐνὶ γναμπτοῖσι μέλεσσι,
  4. ξανθὰς δʼ ἐκ κεφαλῆς ὄλεσε τρίχας, ἀμφὶ δὲ δέρμα
  5. πάντεσσιν μελέεσσι παλαιοῦ θῆκε γέροντος,
  6. κνύζωσεν δέ οἱ ὄσσε πάρος περικαλλέʼ ἐόντε·