Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἀλλὰ σάω μὲν ταῦτα, σάω δʼ ἐμέ· σοὶ γὰρ ἐγώ γε
  2. εὔχομαι ὥς τε θεῷ καί σευ φίλα γούναθʼ ἱκάνω.
  3. καί μοι τοῦτʼ ἀγόρευσον ἐτήτυμον, ὄφρʼ ἐῢ εἰδῶ·
  4. τίς γῆ, τίς δῆμος, τίνες ἀνέρες ἐγγεγάασιν;
  5. ἦ πού τις νήσων εὐδείελος, ἦέ τις ἀκτὴ
  6. κεῖθʼ ἁλὶ κεκλιμένη ἐριβώλακος ἠπείροιο;
  7. τὸν δʼ αὖτε προσέειπε θεὰ γλαυκῶπις Ἀθήνη·
  8. νήπιός εἰς, ὦ ξεῖνʼ, ἢ τηλόθεν εἰλήλουθας,
  9. εἰ δὴ τήνδε τε γαῖαν ἀνείρεαι. οὐδέ τι λίην
  10. οὕτω νώνυμός ἐστιν· ἴσασι δέ μιν μάλα πολλοί,
  11. ἠμὲν ὅσοι ναίουσι πρὸς ἠῶ τʼ ἠέλιόν τε,
  12. ἠδʼ ὅσσοι μετόπισθε ποτὶ ζόφον ἠερόεντα.