Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἄγχι σχὼν κεφαλήν, ἵνα μὴ πευθοίαθʼ οἱ ἄλλοι·
  2. ξεῖνε φίλʼ, ἦ καί μοι νεμεσήσεαι ὅττι κεν εἴπω;
  3. τούτοισιν μὲν ταῦτα μέλει, κίθαρις καὶ ἀοιδή,
  4. ῥεῖʼ, ἐπεὶ ἀλλότριον βίοτον νήποινον ἔδουσιν,
  5. ἀνέρος, οὗ δή που λεύκʼ ὀστέα πύθεται ὄμβρῳ
  6. κείμενʼ ἐπʼ ἠπείρου, ἢ εἰν ἁλὶ κῦμα κυλίνδει.
  7. εἰ κεῖνόν γʼ Ἰθάκηνδε ἰδοίατο νοστήσαντα,
  8. πάντες κʼ ἀρησαίατʼ ἐλαφρότεροι πόδας εἶναι
  9. ἢ ἀφνειότεροι χρυσοῖό τε ἐσθῆτός τε.
  10. νῦν δʼ ὁ μὲν ὣς ἀπόλωλε κακὸν μόρον, οὐδέ τις ἡμῖν
  11. θαλπωρή, εἴ πέρ τις ἐπιχθονίων ἀνθρώπων
  12. φῇσιν ἐλεύσεσθαι· τοῦ δʼ ὤλετο νόστιμον ἦμαρ.