Iliad
Homer
Homer. Homeri Opera, Volumes 1-2. Monro, D. B. (David Binning), editor; Allen, Thomas W. (Thomas William), editor. Oxford: Clarendon Press, 1908-1920.
- χεῖρα γέροντος ἑλὼν ἐξείρετο καὶ προσέειπε·
- πῇ πάτερ ὧδʼ ἵππους τε καὶ ἡμιόνους ἰθύνεις
- νύκτα διʼ ἀμβροσίην, ὅτε θʼ εὕδουσι βροτοὶ ἄλλοι;
- οὐδὲ σύ γʼ ἔδεισας μένεα πνείοντας Ἀχαιούς,
- οἵ τοι δυσμενέες καὶ ἀνάρσιοι ἐγγὺς ἔασι;
- τῶν εἴ τίς σε ἴδοιτο θοὴν διὰ νύκτα μέλαιναν
- τοσσάδʼ ὀνείατʼ ἄγοντα, τίς ἂν δή τοι νόος εἴη;
- οὔτʼ αὐτὸς νέος ἐσσί, γέρων δέ τοι οὗτος ὀπηδεῖ,
- ἄνδρʼ ἀπαμύνασθαι, ὅτε τις πρότερος χαλεπήνῃ.
- ἀλλʼ ἐγὼ οὐδέν σε ῥέξω κακά, καὶ δέ κεν ἄλλον
- σεῦ ἀπαλεξήσαιμι· φίλῳ δέ σε πατρὶ ἐΐσκω.
- τὸν δʼ ἠμείβετʼ ἔπειτα γέρων Πρίαμος θεοειδής·
- οὕτω πῃ τάδε γʼ ἐστὶ φίλον τέκος ὡς ἀγορεύεις.
- ἀλλʼ ἔτι τις καὶ ἐμεῖο θεῶν ὑπερέσχεθε χεῖρα,
- ὅς μοι τοιόνδʼ ἧκεν ὁδοιπόρον ἀντιβολῆσαι
- αἴσιον, οἷος δὴ σὺ δέμας καὶ εἶδος ἀγητός,
- πέπνυσαί τε νόῳ, μακάρων δʼ ἔξεσσι τοκήων.
- τὸν δʼ αὖτε προσέειπε διάκτορος ἀργεϊφόντης·
- ναὶ δὴ ταῦτά γε πάντα γέρον κατὰ μοῖραν ἔειπες.
- ἀλλʼ ἄγε μοι τόδε εἰπὲ καὶ ἀτρεκέως κατάλεξον,