Antigone

Sophocles

Sophocles, Volume 1. Storr, Francis, editor. London; New York: William Heinemann Ltd.; The Macmillan Company, 1912.

  1. ἦ καὶ ξυνίης καὶ λέγεις ὀρθῶς ἃ φῄς;
Φύλαξ
  1. ταύτην γʼ ἰδὼν θάπτουσαν ὃν σὺ τὸν νεκρὸν
  2. ἀπεῖπας. ἆρʼ ἔνδηλα καὶ σαφῆ λέγω;
Κρέων
  1. καὶ πῶς ὁρᾶται κἀπίληπτος ᾑρέθη;
Φύλαξ
  1. τοιοῦτον ἦν τὸ πρᾶγμʼ. ὅπως γὰρ ἥκομεν,
  2. πρὸς σοῦ τὰ δείνʼ ἐκεῖνʼ ἐπηπειλημένοι,
  3. πᾶσαν κόνιν σήραντες, ἣ κατεῖχε τὸν
  4. νέκυν, μυδῶν τε σῶμα γυμνώσαντες εὖ,
  5. καθήμεθʼ ἄκρων ἐκ πάγων ὑπήνεμοι,
  6. ὀσμὴν ἀπʼ αὐτοῦ μὴ βάλοι πεφευγότες,
  7. ἐγερτὶ κινῶν ἄνδρʼ ἀνὴρ ἐπιρρόθοις
  8. κακοῖσιν, εἴ τις τοῦδʼ ἀκηδήσοι πόνου.
  9. χρόνον τάδʼ ἦν τοσοῦτον, ἔστʼ ἐν αἰθέρι
  10. μέσῳ κατέστη λαμπρὸς ἡλίου κύκλος
  11. καὶ καῦμʼ ἔθαλπε· καὶ τότʼ ἐξαίφνης χθονὸς
  12. τυφὼς ἀείρας σκηπτόν οὐράνιον ἄχος,
  13. πίμπλησι πεδίον, πᾶσαν αἰκίζων φόβην
  14. ὕλης πεδιάδος, ἐν δʼ ἐμεστώθη μέγας
  15. αἰθήρ· μύσαντες δʼ εἴχομεν θείαν νόσον.
  16. καὶ τοῦδʼ ἀπαλλαγέντος ἐν χρόνῳ μακρῷ,