Andromache

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. ἐλθὼν παλαιᾶς χοιράδος κοῖλον μυχὸν
  2. Σηπιάδος ἵζου· μίμνε δ’, ἔστ’ ἂν ἐξ ἁλὸς
  3. λαβοῦσα πεντήκοντα Νηρῄδων χορὸν
  4. ἔλθω κομιστήν σου· τὸ γὰρ πεπρωμένον
  5. δεῖ σ’ ἐκκομίζειν· Ζηνὶ γὰρ δοκεῖ τάδε.
  6. παῦσαι δὲ λύπης τῶν τεθνηκότων ὕπερ·
  7. πᾶσιν γὰρ ἀνθρώποισιν ἥδε πρὸς θεῶν
  8. ψῆφος κέκρανται κατθανεῖν τ’ ὀφείλεται.