Scholia in Lucianum

μισθαρνοῦντας] ἐπὶ μισθῷ δουλεύοντας. ~ Γ

—: οἷον τοὺς τὸν μισθὸν ἀντικαταλλαττομένους. καὶ μισθαρνία λέγεται ἡ ἐπὶ μισθῷ γινομένη ἐργασία. ~ Δ

τὸ μέρος*] ἀντὶ τοῦ ὅσον εἰς ἡμᾶς ἧκεν, εἰς τὸ μέρος ἡμῶν συμβάλλεται. ~ EVφΔ

τῆς Αἰγυπτίας κτλ.] ὧ μακαρίας τῆς τότε Ῥωμαίων ἀρχῆς, καθ’ ἣν οὕτω ταῦτα ἐπράττετο, οὐχ ὡς νῦν πάντα ⸤συγ⸥χύσεως καὶ ἀ⸤γνωσ⸥ίας πάντα ⸤ἐμπέ⸥πλησται ⸤καὶ τὸ⸥ ἑκάστῳ ⸤δο⸥κοῦν νόμος.

~ ⸤E⸥Δ ἁπαξαπάντων: ὑφ’ ἕν· ἀντὶ γὰρ τοῦ παντάπασιν. Ἀριστοφάνης Εἰρήνῃ [247] 12

ἁπαξάπαντα καταμεμυττωτευμένα.

ὁ μισθὸς — παρὰ τοῦ* βασιλέως] εἴ τί σου ἄλλο, ταῦτα πλεονεξίας κατήγορα καὶ ἀλαζονείας. καλῶς μὲν γὰρ εἶχέ σοι ἡ ἀπολογία τὰ κοινὰ συνδιαφέρειν τοῖς ἄλλοις καὶ διαχειρίζειν προβαλλομένῳ καὶ πρὸς ἐπαίνου ὑμῖν τοῦτο παρὰ πᾶσι τὸν βίον ἐπανορθοῦσθαι προθυμηθέντι. τό γέ τοι παρὰ βασιλέως προσθεῖναι μισθοφορεῖν καὶ οὕτω μισθοφορίαν ὑπερφυῆ οὐκ ἔστιν ἥτις ἄλλη ταύτην ὑπερ

δασμούς] μερισμοὺς φορολογίας. ~Δ

τῶν ἀρχομένων ἐπέτειοι κτλ.] σημείωσαι. ~ Γ

καὶ τὸ ἐπὶ ταῖς — ὑπὲρ τῶν φροντίδων] scholion ascriptum evanuit ~ E εἰκάζειν ἢν ἐθέλῃς — τῶν ἀκροτάτων] scholion ascriptum evanuit ~ E

λευκήν*] δύο γὰρ ψῆφοι τοῖς νικῶσιν ἀνέκειντο, λευκὴ καὶ πλήρης, ὥσπερ τοῖς ἡττωμένοις ἡ μέλαινα καὶ ἡ τετρυπημένη. ~ VECφΔ

οὐ φροντὶς* Ἱπποκλείδῃ] παροιμ⸤ία ἐπὶ τῶν ἄγαν καταφρονούντων τινὸς καὶ ἀπεριμερίμνως διακειμένων⸥. ~ Δ⸤Ε⸥Vφ

— ] παροιμία. ~ Γ

scholion VI vel VII verborum titulo ascriptum evanuit ~ E

εἰπέ μοι*, ἔφη] παρέλκει τὸ ἔφη καὶ περιττόν ἐστιν Ἀθηναίων ἔθει. ~ VEφ

καὶ νικήσας ἐν τῷ Αἴαντι κτλ.] σημείωσαι. ~ E

ἐπιδεικνύμενοι τοῦ παρὰ κτλ.] σημείωσαι. ~ V

σεμνά] σεμνὸν ἐπὶ τοῦ ἀξιωματικοῦ λέγεται, ἔσθ’ ὅτε δὲ καὶ ἐπὶ τοῦ ὑπερηφάνου τιθέασιν· Εὐριπίδης Μηδείᾳ [215]

οἶδα γὰρ πολλοὺς βροτῶν σεμνοὺς γεγῶτας

μισεῖν τὸ σεμνὸν καὶ τὸ μὴ πᾶσι φίλον.

πῶς οὖν οὐ σεμνὴν δαίμονα προσεννέπεις;

θεσπέσιον*] θέσπιον, θεῖον, θαυμαστόν, πρᾷον, θεοῦ νομοθέτημα, ἐκ θεοῦ πεσόν. ~ Δ

φθόνου] φθόνος πάθος λύπης ἐπὶ τῇ τῶν πέλας εὐπραγίᾳ. ~ Δ

εἰς ὅν καιρόν* τινα ἄλλον] ⸤ὑπέρθεσις τοῦ εἰς ὅντινα ἄλλον καιρόν, ἵνα περικαλλῆ τὸν λόγον ποιήσῃ, ὡς ἐν τῷ εἰ καὶ διὰ μηδὲν ἄλλο, ὁπόταν οἱ ῥήτορες εἰ καὶ μὴ δι’ ἓν ἄλλο ὑπερθέντες εἴπωσιν, εἴ τι⸥ χρὴ Ἑρμογένει [ΙΙ. ἰδ. 338, 8 Sp.] πιστεύ⸤ειν⸥. ~ ⸤E⸥ VφSΔ

βδάλλειν*] ἀμέλγειν· καὶ βδαλεὺς τὸ ἀμολγεῖον. ~ VφSΔ

σκινδαλάμους*] τὰ λεπτὰ καὶ ἰσχνὰ τῶν λόγων ζητήματά φησιν, ὡς καὶ Ἀριστοφάνης ἐν Νεφέλαις [130]

λόγων ἀκριβῶν σκινδάλμους μαθήσομαι.

λαβάς*] ἐπαφάς, ἀφορμάς, μέμψεις. ~ Δ

κατακνίζουσι*] κατατέμνουσι, καταλυποῦσι, καταβάλλουσιν. ~ Δ

ἄττα: τινὰ ἢ ἅτινα ἢ παραπλήσια ἢ ὀλίγα. ~ Δ

φορμῷ*] φορμὸς προκάλυμμα ἢ πλεκτὸν ἀγγεῖον ἐκ φλοιοῦ, ἐν ᾧ εἰώθεσαν ἰσχάδας κομίζειν. ~ Δ

πάνυ ποιμενικόν*] ἀντὶ τοῦ ἁπλούστατον καὶ κατὰ ποιμενικὴν εὐήθειαν. ~ EVφSΔ μακέλλην*] μάκελλα ἡ καὶ δίκελλα λεγομένη. ~ Δ

τοῦ κρύους — πολλὰ τοιαῦτα] ἄξιά γέ συ ποιῶν τοὺς σαυτοῦ διδασκάλους διασύροις, ὡς ἂν μὴ ἡμεῖς πράγματα ἔχοιμεν βόρβορον ἀναδεύοντες. ~ EΔ

Ἀρχιτέλους γυνὴ κτλ.] σημείωσαι. χρήσιμον. ~ V

ἀλλὰ πρὸς Ἀκινάκου κτλ.] σημείωσαι. ~ V

προξενήσεις αὐτοῦ: ἀντὶ τοῦ πρόξενος αὐτοῦ γένοιο. ~ EVφ

τοὺς Σύρους ἡμᾶς] σημείωσαι. Σύρος ὁ δυσσεβὴς οὗτος Σαμοσατεύς, ὡς ἐν τῷ λόγῳ τῷ Πῶς ἱστορίαν συγγράφειν δεῖ δηλοῖ σαφῶς [c. 24 schol.]. ~ Γ

νησιώτης] τὸν Τηλέμαχόν φησι. ~ E

— ] σημείωσαι. ~ V

Ἀθηναίους πρὸς τὸν τοῦ Κλεινίου κτλ.] σημείωσαι. ~ V

ψολόεντι* — βέλει] κεραυνῷ καυστικῷ. ~ R

μυρομένη*] θρηνοῦσα. ~ R

Σιπύλῳ*] Σίπυλον ὄνομα ποταμοῦ. ~ R

Τριτωνίδος] Τριτωνὶς λίμνη. ~ R