Scholia in Iliadem

Scholia in Homerum

Scholia in Homerum. Scholia Graeca in Homeri Iliadem, Volume 1-6. Dindorf, Ludwig; Maas, Ernest, editors. Oxford: Clarendon Press, 1875-1888.

417. * οὐδέ μιν ἐξενάριξε] ὡς τίμιον καὶ βασιλικόν. οὐ περιττὰ δὲ ταῦτα· ἀξίωμα γὰρ τοῦ πατρὸς ἐμφαίνει, ὃν ᾐδέσθη καὶ πολέμιος 〈ὢν〉 καὶ κτείνας.

[*](A +)

422. ἰῷ κίον ἤματι] τὰς μὲν εὐθείας τούτων βαρέως ἀναγινώσκει ὁ Ἀρίσταρχος, τὰς δὲ δοτικὰς περισπωμένως ἴα ἰῇ, μία μιᾷ, ἴον ἰῷ.

[*](B=)

423. * κατέπεφνε— Ἀχιλλεύς] λεληθότως ὑποβάλλει αὐτῷ κἀκ τούτου φοβεῖσθαι τὸν Ἀχιλλέα.

[*](B=)

428. πατρὸς δ᾿ ἐν μεγάροισι] μητροπάτορος· ἐτεθνήκει γὰρ Ἠετίων.

[*](B=)

429. Ἕκτορ, ἀτὰρ σύ μοι ἐσσὶ πατήρ] τὸ σχῆμα καλεῖται σχέσις· ἐμφαίνει δὲ εὔνοιαν καὶ πάθος ψυχῆς.

[*](B=)

430. θαλερὸς παρακοίτης] ἀγαπητός· “τοιόνδε θάλος” (Od. 6. 157) ἀγάπημα.

[*](B=)

431. ἀλλʼ ἄγε, νῦν ἐλέαιρε καὶ αὐτοῦ μίμνʼ ἐπὶ πύργῳ] ἡ μὲν Ἑλένη ὡς αἴτιον τοῦ πολέμου ἐκπέμπει τὸν Πάριν, ἣ δὲ ὡς ῥιψοκίν- δυνον κατέχει. καλῶς δὲ οὐ μένειν αὐτὸν οἴκοι ἀξιοῖ—οἶδε γάρ, ὅτι οὐ πείσει—ἀλλʼ ἐπὶ τοῦ τείχους μένειν, ὅθεν καὶ ἀμυνεῖται τοὺς πολεμίους καὶ σωθήσεται.

[*](A +)

432. μὴ παῖδʼ ὀρφανικὸν θήῃς] οὕτω διὰ τοῦ η τὸ “θήῃς.”

[*](9. διηγεῖται A: διαλέγεται ut B || 11. ἀμόν || 13. post ἁμ. omisi καὶ ἀμᾶν || 14. κε σʼ οἶνος: corr. W || 33. ὅθεν ante καὶ ut B: omisi)

227

433. λαὸν δὲ στῆσον παῤ ἐρινεόν] οὐ πρέποντα τὰ τῆς ὑποθήκης [*](A ~ B=) γυναικί· ἀλλʼ εἰ καὶ γυναικὶ μὴ πρέπει, τῇ γε Ἀνδρομάχῃ πρέπει, ἐπεὶ καὶ οὐχʼ ἱπποκομεῖν γυναικός, ἡ δὲ Ἀνδρομάχη τοῖς Ἕκτορος καὶ πυρὸν παρατίθησι καὶ κεράσασα οἶνον (Il. 8. 185), ὡς φίλαν- δρος ἐπιμελομένη καὶ τῶν φερόντων αὐτῆς τὸν ἄνδρα· μείνασα δὲ χρόνον ἐπὶ τοῦ τείχους εἶδεν.