Scholia in Iliadem

453, 454. τοῖσι δʼ ἄφαρ πόλεμος γλυκίων—] νῦν ἄμεινον κεῖνται ἤπερ ἐν τῇ Λ (13)· πρόσφατος γὰρ αὐτοῖς ἡ τοῦ νόστου μνήμη. καὶ ἡ αἰφνίδιος δὲ μεταβολὴ οὐκ ἄνευ θεῶν· πῶς γάρ;

455. ἠύτε πῦρ ἀίδηλον] νῦν μάλιστα ἡ δύναμις τοῦ ποιητοῦ, ὅτε καθʼ ἕκαστον πρᾶγμα διαφόρων εἰκόνων εὐπορεῖ. πρώτη δὲ εἰκὼν ἡ ἀπὸ τῆς τῶν ὅπλων λαμπηδόνος· μεγεθύνεται δὲ τῇ ἀσπέτῳ ὕλῃ καὶ τῷ ὄρει, ἔνθα καταιγίδες εἰσί, καὶ τῇ κορυφῇ. διὸ θαρρῶν ἐπάγει “ἕκαθεν δέ τε φαίνεται αὐγή.” §. “ἀίδηλον” δὲ παρὰ τὸ ἀιδνόν.

457. ὣς τῶν ἐρχομένον] ὧδε στικτέον.

458. αἴγλη παμφάνοωσα] “παμφανόωσα” τοῦ χαλκοῦ ἡ αἴγλη εἰς οὐρανὸν παρεγίνετο.