Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
486.
τὸν ὁμόθεν: τὸν ἀπὸ μιᾶς ῥίζης, ἤγουν τὸν κατὰ γένος προσήκοντα. Gr. Fl. 9. 17. 21. 56. ἤγουν τὸν ἐκ ταὐτοῦ γένους, ἤτοι τὸν συγγενῆ. Gu.
487.
καὶ τῶν νόμων γε μὴ πρότερον εἶναι θέλειν: σὺ τοίνυν ἀδικεῖς τοὺς νόμους ἀγαπῶν τὸν μιαιφόνον. ὁ δέ φησιν ὅτι ἀναγκάζει με τὸ συγγενές. Ἄλλως. ἐπεὶ Ὀρέστης καὶ παρὰ νόμους καὶ παρὰ φύσιν τὴν μητέρα ἀνεῖλε, καίτοι, φησὶν, Ἑλληνικόν ἐστι τὸ μὴ κρείττονα τῶν νόμων ἐθέλειν εἶναι τῇ τούτων βουλήσει. B.M.
πρότερον: τιμιώτερον. Fl. 33. ὑπέρτερον, προτιμότερον, ἰσχυρότερον. ἀλλ’ ἔστι καὶ τοῦτο Ἑλληνικὸν τὸ μὴ εἶναί τινα ὑπέρτερον τῶν νόμων. Gu.