Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

485.

βεβαρβάρωσαι χρόνιος ὢν ἐν βαρβάροις

: γράφεται ἀφ’ Ἑλλάδος. εἰς παροιμίαν δὲ ὁ στίχος οὗτος ἐχώρησεν. Μ. βάρβα ρος ἀπὸ τοῦ βαρέως αἴρειν τὴν βοήν. C.

βεβαρβάρωσαι

: ἐβαρβαρώθης πολυετὴς ὑπάρχων ἐν τοῖς βαρβάροις. I. Ἄλλως. ἤθη καὶ νόμους βαρβαρικοὺς μεμάθηκας, πολὺν χρόνον ὢν ἐν βαρβάροις, καὶ τῆς τάξεως ἐπελάθου τῶν Ἑλλήνων. πρὸς ὃ ἀπαντᾷ Ἑλληνικόν τι τὸν ὁμόθεν τιμᾶν ἀεί, ἤτοι Ἑλληνικὸν ὑπάρχει τὸν ἀπὸ τοῦ ὁμοίου γένους τιμᾶν διόλου, πρὸς ὃ πάλιν ὁ Τυνδάρεως, Ἑλληνικόν τι δηλονότι, καὶ τὸ μὴ θέλειν εἶναι ἰσχυρότερον τῶν νόμων, ὅπερ δηλονότι ποιεῖς σὺ, τιμῶν τοῦτον, ὃν οἱ νόμοι ἀπόβλητον ἔχουσιν. Gr. I.

χρόνιος ὤν

: οὐ μόνον χρόνιος φαμὲν ἦλθον ἀντὶ τοῦ μετὰ χρόνον πολὺν, ἀλλὰ καὶ χρόνιος ἦν ἐν τῷδε τῷ τόπῳ ἀντὶ τοῦ ἐπὶ χρόνον πολύν. Gu. Fl. 21.