Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
194.
δίκᾳ μέν: ὠφείλετο μὲν γὰρ αὐτὴ ἀναιρεθῆναι, οὐ μέντοι παρὰ τοῦ παιδός. B.M.I.
δίκᾳ μὲν, καλῶς δ’ οὔ: ἀντὶ τοῦ δίκαιον μὲν αὐτὴν ἀναιρεθῆναι, ἀνελοῦσαν τὸν ἄνδρα, οὐ μέντοι εὐκλεὲς οὐδὲ πρεπῶδες ἦν ὑπὸ τοῦ παιδὸς εὐθύνας δοῦναι αὐτὴν τοῦ φόνου. B.M.I. ἐν τούτῳ ὑπομιμνήσκεται καὶ τῆς Ἠλέκτρας. M.
Δίκα ἐνταῦθα γράφε, μὴ δίκαια. οὕτω γὰρ ἔχει πρὸς τὸ μέτρον ὀρθῶς. I.
δίκαια: τὰ κατὰ τὸν φόνον. Gr. δικαίως δοὺς τὸν φόνον, τὸ αἷμα. Gu.
καλῶς: εὐπρεπῶς.
δ’ οὔ.: διότι ὑπὸ τοῦ υἱοῦ. Gr. οὐδὲ γὰρ ὑπὸ παιδὸς ἔδει θανεῖν αὐτήν. Gu.
ἔκανες, ἔκανες: ἐφόνευσας· ὅθεν τὸ κανοῦν λέγεται, εἰς ὃ φέρεται ἡ ἱερουργικὴ μάχαιρα. Ἄλλως. φονεύσασα ἀνῃρέθης, τουτέστιν ὁ κατὰ σοῦ πραχθεὶς φόνος ἄμυνα ἐγένετο, καὶ οὐκ ἀδικία· σὺ γὰρ πρώτη ἐφόνευσας τὸν πατέρα, καὶ ἀνῃρέθης. A. B. M.I.
ἔκανες: ἐφόνευσας. Gr. τὸν πατέρα. Gu.
ἔθανες: ἀντὶ τοῦ ἐθανάτωσας. Gr. Fl. 6. 9. 17. 21. 56. 59. 76. ὑπὸ τῶν τέκνων ἐθανατώθης. Gu.