Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

1389.

ξεστῶν

: τετορευμένων, ἐυξέστων. Gu. κεκαλλωπισμένων, τετορευμένων. Fl. 6.

Ἀπολλωνίων

: Ἀπολλώνιόν φασι τὸ Πέργαμον καὶ τῆς Ἰλίου τὴν ἀκρόπολιν, ἐπεὶ Ἀπόλλωνός ἐστιν ἱερὸν ἐκεῖσε, ὡς Ὅμηρος Περγάμῳ εἰν ἱερῷ, ὅθι οἱ νηός γ’ ἐτέτυκτο. ἢ ἐπεὶ ὁ Ἀπόλλων τὰ τείχη ᾠκοδόμησεν. ἢ Ἀπολλωνίων τῶν ἀπολωλότων, ὡς ἐν τῷ Φαέθοντί φησιν

ὦ καλλιφεγγὲς Ἥλι’, ὡς μ’ ἀπώλεσας, κἀκ τοῦδ’ Ἀπολλων εἰκότως κλῄζει βροτοῖς.

Β.Μ.Ι.

Τῶν Ἀπολλωνίων, ἤγουν τῶν ὑπ’ Ἀπόλλωνος καὶ Ποσειδῶνος οἰκοδομηθέντων, ὅτε ἐθήτευσαν Λαομέδοντι. τοιγαροῦν καὶ ὅτε ἔμελλεν ὑπ’ Ἀχαιῶν πορθηθῆναι καὶ ἀφανισθῆναι, εἶδεν Αἰνείας τούτους τοὺς θεοὺς, ὡς ἱστορεῖ Βεργίλιος, τοὺς λίθους, οὓς ἔθηκαν, καταβαλόντας. Bar. Gu.

περγάμων

: Πέργαμον τὴν ἀκρόπολιν τῆς Τροίας ἔλεγον, ὥσπερ καὶ τὴν τῶν Θηβῶν Καδμείαν. φασὶ δὲ καὶ τὰ ὑψηλὰ τείχη πέργαμα. ἐπὰν οὖν τὸ περγάμων ἀντὶ ἀκροπόλεων νοήσῃς, γίνωσκε ὅτι τὸ ἑνικὸν πληθυντικῶς ἐξηνέχθη. Gu.