Scholia in Euripidem (scholia vetera)

λείπει ἡ σύν, ἵν’ ᾖ σὺν ἵπποισι. καὶ παρ’ Ὁμήρῳ [Θ 24] αὐτῇ κεν γαίῃ καὶ ἐν Βάκχαις αὐταῖσιν ἐλάταις καὶ ἐν Ἱππολύτῳ [1189] αὐταῖσιν ἀρβύλαισιν ἁρμόσας πόδα. καὶ ἔστιν Ἀττικὴ ἡ συνήθεια: — MTAB

θοαῖς ἵπποισιν: ἔδει ἐκ τοῦ ἐπικρατοῦντος ἀρσενικῶς αὐτοὺς ὀνομάσαι. τέσσαρες γάρ εἰσι, Χρόνος Αἶθοψ Ἀστραπὴ Βροντή. ἔθος δὲ τοῖς ποιηταῖς θηλυκῶς λέγειν τοὺς ἵππους. Σώφρων τὰν ἵππον καὶ ἐν Ἱππολύτῳ [1223] αἱ δ’ ἐνδακοῦσαι στόμια καὶ παρ’ Ὁμήρῳ [Ψ 376] αἱ Φηρητιάδαο ποδώκεες ἔκφερον ἵπποι — MTAB

στρέφων περιάγων περιελαύνων τὴν ἀκτῖνα: — MgAg